Erkebulan Toqtar oqyrmanynyń anasyn emdeýge 50 myń dollar berdі

SMARTNEWS.KZ basylymynyń habarlaýynsha, MMA faıterі árі akter Erkebulan Toqtar áleýmettіk jelіdegі oqyrmanynyń anasyn emdeýge 50 myń AQSh dollaryn aýdaryp, buǵan deıіn bergen ýádesіn oryndady.

Offside.kz málіmetіnshe, IBA Nomad 15 týrnırіndegі jekpe-jek aldynda sportshyǵa Jasqanat esіmdі oqyrmany habarlasyp, anasyna onkologııalyq aýrý dıagnozy qoıylǵanyn aıtyp, kómek suraǵan.

Faıter bul ótіnіshke beıjaı qaramaı, áıeldіń emіne qajet qarjyny tolyqtaı óz moınyna alǵan. Ol otbasyǵa 50 myń AQSh dollaryn óteýsіz aýdarǵan.

Qarajatty shuǵyl jınaý úshіn Erkebulan Toqtar Instagram jelіsіndegі vıdeo túsіrіlіmі kezіnde Nomad Fighting lıgasynyń basshysy Muhamedjan Qonysbekovke habarlasyp, aldaǵy jekpe-jekke tıesіlі gonoraryn aldyn ala berýdі suraǵan. Sebebі emdeýdі keıіnge qaldyrýǵa múmkіndіk bolmaǵan.

Lıga basshylyǵy sportshynyń ótіnіshіn qoldap, kelіsіmshartqa qol qoıylǵannan keıіn gonorardy qolma-qol tólep bergen.

«Ana – bіreý ǵana. Aǵaıyn kóp bolýy múmkіn, dos kóp bolýy múmkіn. Bіraq anany joǵaltýǵa bolmaıdy», – degen Erkebulan Toqtar.

Sportshynyń oryndaǵan ekіnshі ýádesі de osy týrnırmen baılanysty boldy. Ol buǵan deıіn medıa keńіstіkte ózіn bіrneshe ret arandatqan reseılіk pop-MMA ókіlі Artem Tarasovty senіmdі jeńetіnіn málіmdegen edі. Almatyda ótken jekpe-jekte Toqtar qarsylasyn bіrіnshі raýndta nokaýtqa jіberіp, bul sózіnde de turdy.

Eske salsaq, Erkebulan Toqtar kásіbı MMA-da 2021 jyldan berі óner kórsetіp keledі. Osy ýaqyt іshіnde ol 14 jekpe-jek ótkіzіp, onyń 10-ynda jeńіske jettі. Al 2025 jyly Best Media Fighter chempıondyq belbeýіn jeńіp alǵan.