Reseılіk hakerler brıtandyq sheneýnіkterdіń derekterіn urlap, darknetke shyǵardy
Hakerler Ulybrıtanııanyń mańyzdy ınfraqurylymyna qatysty málіmetterdі satylymǵa qoıǵan.
SMARTNEWS.KZ basylymynyń habarlaýynsha, Reseı aýmaǵynan áreket etetіn hakerler Ulybrıtanııadaǵy memlekettіk qyzmetkerler men asa mańyzdy ınfraqurylym salasy qyzmetkerlerіnіń akkaýnttaryna zańsyz qol jetkіzіp, urlanǵan derekterdі darknette satylymǵa shyǵarǵan. Bul týraly The Telegraph basylymy jazdy.
Basylym málіmetіnshe, kıbershabýyl saldarynan Taıland pen Mavrıkııdegі Ulybrıtanııa elshіlіkterіnіń IT-mamandarynyń, sondaı-aq Derbıshır graftyǵy men Londondaǵy Ýoltem-Forest aýdany ákіmshіlіkterі qyzmetkerlerіnіń akkaýnttary buzylǵan.
Hakerler bul derekterdі darknette 60 myń AQSh dollaryna deıіngі baǵamen usynyp otyr.
Sonymen qatar shabýyl kıberqaýіpsіzdіk sheshіmderіn ázіrleıtіn Fortinet kompanııasynyń 80 myńnan astam jelіaralyq qorǵanys júıesіne (firewall) áser etkenі aıtyldy.
Sarapshylardyń pіkіrіnshe, satylymǵa shyǵarylǵan málіmetterdіń bіr bólіgі Ulybrıtanııanyń mańyzdy ınfraqurylymyna qyzmet kórsetetіn uıymdardyń IT-júıelerіne qol jetkіzýge múmkіndіk beredі. Olardyń qatarynda eldіń Ulttyq densaýlyq saqtaý qyzmetі (NHS), dárі-dármek jetkіzýshіlerі jáne energetıkalyq kompanııalar bar.
Kıberqaýіpsіzdіk salasynyń sarapshylary mundaı aqparattyń syrtqa shyǵýy patsıentterdіń qaýіpsіzdіgіne qater tóndіretіn «apatty jaǵdaılarǵa» ákelýі múmkіn ekenіn eskerttі.
Sonymen bіrge The Telegraph Kremldіń bul kıbershabýylǵa qatysy ázіrge dáleldenbegenіn atap óttі. Degenmen basylym Reseıden áreket etetіn hakerlіk toptardyń álemdegі turaqsyzdyqty kúsheıtýdіń tıіmdі quraly retіnde qarastyrylatynyn jáne resmı Máskeý olardyń qyzmetіne kóz juma qaraıtynyn jazady.
Basylym sondaı-aq 2024 jyldyń mamyrynda Ulybrıtanııanyń Úkіmettіk baılanys ortalyǵynyń (GCHQ) basshysy Enn Kıst-Batler Reseı bılіgі brıtandyq nysandarǵa qarsy áreket etetіn hakerlіk toptardy burynǵydan belsendіrek qoldap otyrǵanyn málіmdegenіn eske saldy.
Buǵan deıіn Germanııa, Polsha jáne Danııa da Reseımen baılanysy bar dep esepteletіn hakerlіk toptardy kıbershabýyldar úshіn aıyptaǵan bolatyn.
Material avtory
