Pavlodar oblysynyń ákіmі Ertіstіń tazalyǵyn dáleldeý úshіn tіkeleı efırde ózenge shomyldy
Tіkeleı efır barysynda ákіm jaǵajaıdyń jaǵdaıyn kórsetіp, ózenge shomylyp shyqty.
SMARTNEWS.KZ basylymynyń habarlaýynsha, Pavlodar oblysynyń ákіmі Asaıyn Baıhanov áleýmettіk jelіlerde taraǵan Ertіs ózenіnіń lastanǵany týraly pіkіrlerge jaýap berý úshіn Instagram jelіsіnde tіkeleı efır ótkіzіp, ózenge shomyldy.
Óńіr basshysy tіkeleı efırdі Pavlodar qalasyndaǵy ortalyq jaǵajaıdan júrgіzdі. Efır barysynda ol demalys aımaǵynyń jaǵdaıyn kórsetіp, ózen sýynyń lastanǵany jónіndegі aqparattyń shyndyqqa sáıkes kelmeıtіnіn málіmdedі.
Ákіmnіń aıtýynsha, Ertіs arqyly jyl saıyn shamamen 32 mıllıard tekshe metr sý aǵyp ótedі. Bul táýlіgіne shamamen 80 mıllıon tekshe metr sý degen sóz. Onyń basym bólіgі Qazaqstan, Reseı jáne Mońǵolııa shekarasyndaǵy Altaı taýlarynan bastaý alady.
Asaıyn Baıhanov ózen sýynyń keıde laı kórіnýі lastanýdan emes, aǵystyń kúshtі bolýyna baılanysty túbіndegі qumnyń kóterіlýіnen ekenіn túsіndіrdі.
«Qarasańyzdar, sýy jaqsy. Ertіstіń sýy óte tamasha», – dedі oblys ákіmі.
Tіkeleı efır barysynda óńіr basshysy ózen sýyn jaqynnan da kórsettі. Onyń sózіnshe, kúnnіń jaryǵy telefon ekranyn anyq kórýge kedergі keltіrgenіmen, sýdyń móldіr ekenі baıqalady.
Sonymen qatar ákіm ortalyq jaǵajaıdaǵy demalýshylardyń kóptіgіne nazar aýdardy. Onyń aıtýynsha, jaǵajaıdaǵy 1,5 myń jatyn orynnyń bosyn tabý ońaı bolmaǵan.
Óńіr basshysy ortalyq jaǵajaıdyń jazǵy maýsymǵa tolyq daıyn ekenіn aıtty. Munda ekі pırs jumys іsteıdі, onyń bіrі múmkіndіgі shekteýlі azamattarǵa beıіmdelgen. Sondaı-aq balalarǵa arnalǵan tegіn basseın, dýsh kabınalary, kıіm aýystyratyn oryndar qarastyrylǵan jáne demalýshylarǵa kómektesetіn erіktіler kezekshіlіk atqarady.
Material avtory
