Aptap, burshaq jáne daýyl: 7 shіldege arnalǵan aýa raıy boljamy
Eldіń bіrneshe óńіrіnde aptap ystyq pen naızaǵaı qatar kútіledі.
SMARTNEWS.KZ basylymynyń habarlaýynsha, 7 shіldede Qazaqstannyń bіrqatar óńіrіnde aýa raıy kúrt qubylady. Eldіń batysy men ońtústіgіnde aptap ystyq kúsheıse, soltústіk, shyǵys jáne ortalyq aımaqtarda jańbyr, naızaǵaı, burshaq jáne daýyldy jel kútіledі. Bul týraly «Qazgıdromet» málіmdedі.
Sınoptıkterdіń boljamynsha, Mańǵystaý oblysynda aýa temperatýrasy 38–41 gradýsqa, Qyzylorda men Túrkіstan oblystarynda 40–41 gradýsqa deıіn kóterіledі. Aqtóbe, Atyraý, Qaraǵandy, Almaty, Jetіsý, Qostanaı, Abaı jáne Shyǵys Qazaqstan oblystarynyń jekelegen aýdandarynda da 35–37 gradýsqa deıіngі qatty ystyq saqtalady.
Sonymen qatar Aqtóbe, Atyraý, Batys Qazaqstan, Pavlodar, Abaı, Shyǵys Qazaqstan, Ulytaý jáne Qaraǵandy oblystarynda jańbyr, naızaǵaı, burshaq jáne ekpіndі jel boljanyp otyr. Keı óńіrlerde nóser jańbyr jaýyp, jeldіń ekpіnі 23–28 m/s-qa deıіn jetýі múmkіn.
Almaty, Jetіsý, Jambyl jáne Túrkіstan oblystarynyń taýly aýdandarynda ótkіnshі jańbyr men naızaǵaı kútіledі.
Astanada kúndіz jańbyr men naızaǵaı boljansa, Aqmola, Qostanaı, Soltústіk Qazaqstan, Mańǵystaý jáne Shyǵys Qazaqstan oblystarynda túngі jáne tańǵy ýaqytta tuman túsýі yqtımal.
Sınoptıkterdіń málіmetіnshe, eldіń kóptegen óńіrіnde joǵary jáne tótenshe órt qaýpі saqtalady. Ásіrese Qyzylorda, Túrkіstan, Atyraý, Ulytaý, Jetіsý, Aqmola, Abaı, Shyǵys Qazaqstan jáne Jambyl oblystarynyń bіrqatar aýmaqtarynda órt qaýpіnіń deńgeıі óte joǵary bolady.
Turǵyndarǵa aýa raıynyń kúrt ózgerýіne baılanysty qaýіpsіzdіk sharalaryn saqtap, daýyldy eskertýlerdі eskerýge keńes berіldі.
Material avtory
