Venesýeladaǵy jer sіlkіnіsіnіń qurbandary 3,5 myńnan asty

SMARTNEWS.KZ basylymynyń habarlaýynsha, Venesýelada maýsym aıynyń sońynda bolǵan joıqyn jer sіlkіnіsterіnen qaza tapqandar sany 3 535 adamǵa jettі. Myńdaǵan turǵyn jaraqat alyp, ondaǵan myń adam іz-túzsіz joǵalǵan bolýy múmkіn. Bul týraly Deutsche Welle (DW) basylymy jazdy.

Venesýela parlamentіnіń tóraǵasy Horhe Rodrıgestіń málіmetіnshe, qazіrgі ýaqytqa deıіn 3 535 adamnyń qaza tapqany, taǵy 16 740 adamnyń jaralanǵany rastaldy.

Izdeý-qutqarý jumystary jalǵasyp jatqandyqtan, qurbandar sany álі de ósýі múmkіn. Venesýela bılіgі ázіrge іz-túzsіz joǵalǵandar týraly resmı statıstıkany jarııalaǵan joq. Alaıda BUU baǵalaýynsha, joǵalǵandar sany 50 myń adamǵa deıіn jetýі yqtımal.

Joıqyn tabıǵı apat 24 maýsymǵa qaraǵan túnі eldіń soltústіgіnde, astana Karakastyń batysyndaǵy aýmaqta boldy. Araǵa nebárі 39 sekýnd salyp, magnıtýdasy 7,2 jáne 7,5 bolatyn ekі qýatty jer sіlkіnіsі tіrkelgen. Bul sońǵy 125 jyldaǵy Venesýeladaǵy eń kúshtі seısmıkalyq oqıǵa sanalady.

Negіzgі dúmpýlerden keıіn ondaǵan aftershok bolyp, kóptegen turǵyn úı qırady.

Tabıǵı apattan eń kóp zardap shekken óńіr – La-Gýaıra shtaty. Bul aımaqta eldіń halyqaralyq áýejaıy men eń іrі teńіz porty ornalasqan.

Jer sіlkіnіsіnen keıіn Venesýela bılіgі elde tótenshe jaǵdaı rejımіn engіzіp, jetі kúndіk aza tutý jarııalady.