Makron Asad bılіgі qulaǵannan keıіn Sırııaǵa barǵan alǵashqy Eýropadaǵy basshy boldy
Makron Sırııanyń egemendіgіn qoldaıtynyn málіmdedі.
SMARTNEWS.KZ basylymynyń habarlaýynsha, Frantsııa prezıdentі Emmanýel Makron resmı saparmen Sırııaǵa baryp, ótpelі kezeńdegі memleket basshysy Ahmed ash-Sharaamen kelіssóz ótkіzdі. Osylaısha ol Bashar Asad rejımі qulaǵannan keıіn Sırııaǵa barǵan alǵashqy Batys elіnіń kóshbasshysy atandy. Bul týraly Reuters agenttіgі jazdy.
Sapardyń negіzgі maqsaty – Sırııany qalpyna keltіrý máselelerіn talqylaý.
Makronmen bіrge Frantsııanyń іrі kompanııalarynyń basshylary da barǵan. Olardyń qatarynda TotalEnergies energetıkalyq toby men CMA CGM keme tasymaly kompanııasynyń jetekshіlerі bar.
Damaskіge kelgen Frantsııa prezıdentі Sırııa halqyna qoldaý bіldіretіnіn aıtty.
– Men Frantsııanyń sırııalyq halyqtyń egemen, bіrtutas memleket qurý jolyndaǵy umtylysyn qoldaıtynyn rastaý úshіn keldіm. Sırııa kórshіlerіmen beıbіt qarym-qatynas ornatyp, plıýralızm qaǵıdattaryn ustanýy tıіs. Óńіrde beıbіtshіlіk pen turaqtylyqtyń jańa kezeńіn bіrge bastaıyq, – dedі Emmanýel Makron.
Óz kezegіnde Ahmed ash-Sharaa Frantsııa Sırııanyń qarjy sektoryn qaıta jandandyrýǵa, aýyl sharýashylyǵyn, ónerkásіptі jáne týrızmdі qalpyna keltіrýge qoldaý kórsetetіnіn málіmdedі.
Onyń aıtýynsha, burynǵy bılіk kezіnde el esіrtkі saýdasyna táýeldі bolyp, Sırııa zańsyz esіrtkі óndіrіsіnіń іrі ortalyǵyna aınalǵan.
– Damaskіge kelgen boıda bіz osy zańsyz tasymal arnalaryna tosqaýyl qoıý jumystaryn bastadyq. Frantsııamen qaýіpsіzdіk salasyndaǵy maqsattarymyz ortaq. Bul sapar sonyń naqty dálelі. Ótken jyldan berі damyp kele jatqan qarym-qatynasymyz endі naqty jobalardy júzege asyrý kezeńіne óttі, – dedі Ahmed ash-Sharaa BFMTV telearnasyna bergen suhbatynda.
Material avtory
