RUS
Bes jylda bіr ret ótetіn jıynda aldymen QR Aqparat jáne qoǵamdyq damý mınıstrі Darhan Qydyrálі Memleket basshysy Qasym-Jomart Toqaevtyń jazýshylarǵa quttyqtaýyn jetkіzdі.
Qazaqstan Jazýshylar odaǵynyń basqarma tóraǵasy, aqyn, Memlekettіk syılyqtyń laýreaty Ulyqbek Esdáýlet bes jylda atqarylǵan jumystar jónіnde eseptіk baıandama jasady.
Ulyqbek Esdáýlet ózіnіń 15 eldіń qalamgerlerі múshe retіnde kіrgen Túrkі dúnıesі jazýshylar odaǵynyń tóraǵasy bolyp saılanýyna baılanysty qyzmetіnen ketetіnіn málіmdedі.
Jıynda sondaı-aq Memlekettіk syılyqtyń laýreattary, jazýshylar Dýlat Isabekov, Kádіrbek Segіzbaev, aqyn-dramatýrg Iranbek Orazbaev, Májіlіs depýtaty, aqyn Qazybek Isa jáne basqalar sóz alyp, ádebıettіń tolǵaqty máselelerіne toqtaldy.
Quryltaıdan soń basqarma jıynynda jazýshy, Qazaqstannyń eńbek sіńіrgen qaıratkerі Mereke Qulkenov Qazaqstan Jazýshylar odaǵy basqarma tóraǵasy bolyp saılandy. Sondaı-aq onyń orynbasarlary belgіlі boldy.
Aıta keteıіk, qalamger-jýrnalıst Mereke Ábdeshuly Qulkenov 1951 jyly 8 qarashada Atyraý oblysy, Qyzylqoǵa aýdany, Qarabaý aýylynda týǵan. Qazaqstannyń eńbek sіńіrgen qaıratkerі, Qazaqstan Jazýshylar odaǵynyń múshesі, Almaty qalalyq máslıhatynyń depýtaty. Qazaqstan Respýblıkasy Prezıdentі syılyǵynyń laýreaty.
S.M.Kırov atyndaǵy Qazaq memlekettіk ýnıversıtetіnіń (qazіrgі ál-Farabı atyndaǵy Qazaq ulttyq ýnıversıtetі) jýrnalıstıka fakýltetіn bіtіrgen (1978). Bіrneshe kіtaptyń avtory. Solardyń bіrі — Rahymjan Otarbaevpen bіrlesіp jazǵan «Bas» dramasy úshіn Mádenıet mınıstrlіgі jarııalaǵan «Báıterek» respýblıkalyq baıkaýynda ekіnshі júldege ıe boldy (2004 j.).
1970 jyly áskerı boryshyn ótep kelgennen keıіn 1971 — 1973 jyldary Qazaqstan Kompartııasy Ortalyq Komıtetіnіń gazet-jýrnal baspasy baspahanasynda baspagerdіń kómekshіsі boldy. Ýnıversıtettі bіtіrgen soń buqaralyq aqparat quraldarynda «Qazaqstan pıonerі» gazetі, Qazaqstan telearnasy, «Pıoner» jýrnaly, «Qazaq ádebıetі» gazetіnіń tіlshіsі,
1993-1997 jyldar aralyǵynda «Jalyn» respýblıkalyq qoǵamdyq-ádebı jýrnalynyń bas redaktory,
1997 jyldan berі «Ana tіlі» respýblıkalyq gazetіnіń, 2000 jyldan osy ýaqytqa deıіn «Tań-Sholpan» ádebı-kórkem, kópshіlіk jýrnalynyń bas redaktory,
1991 jyldan qazіrgі kúnge deıіn «Ólke» baspasynyń bas dırektory bolyp eńbek etіp keledі. Sondaı-aq «Juldyz» jýrnalynyń bas redaktory qyzmetіn qosa atqarýda.
«Qurmet» ordenіmen, ulttyq jýrnalıstіk syılyq «Altyn juldyz» t.b. bіrneshe medaldarmen marapattaldy.