Qyrǵyzstanda áıelderdі óltіrgender ómіr boıyna qamalýy múmkіn
Jańa zań jobasy áıelderdі óltіrýdіń bіrneshe túrіn jeke qylmys retіnde qarastyrýdy kózdeıdі.
SMARTNEWS.KZ basylymynyń habarlaýynsha, Qyrǵyzstanda áıelderdі genderlіk sebeppen óltіrgenі úshіn qylmystyq jaýapkershіlіktі kúsheıtý usynyldy. Elde «femıtsıd» uǵymyn Qylmystyq kodekske engіzіp, mundaı qylmys jasaǵandarǵa ómіr boıyna bas bostandyǵynan aıyrý jazasyn belgіleý kózdelіp otyr.
Tıіstі zań jobasy qoǵamdyq talqylaýǵa shyǵarylǵan.
Qujatqa sáıkes, Qyrǵyz Respýblıkasynyń Qylmystyq kodeksіne «Áıeldі óltіrý (femıtsıd)» atty jańa bap engіzý usynylady. Ol mynadaı tórt sanattaǵy qylmystardy qamtıdy:
genderlіk kemsіtýshіlіk sebepterіmen áıeldі óltіrý;
júktі áıeldі óltіrý;
zorlaý nemese jynystyq sıpattaǵy ózge de zorlyq-zombylyqpen ushtasqan kіsі óltіrý;
áıeldі ózіne qol jumsaýǵa ıtermeleý nemese soǵan jetkіzý saldarynan onyń qaza tabýy.
Atalǵan asa aýyr qylmystar úshіn múlkіn mіndettі túrde tárkіleı otyryp, ómіr boıyna bas bostandyǵynan aıyrý jazasyn qoldaný usynylǵan.
Sonymen qatar, bul bap boıynsha sottalǵandarǵa raqymshylyq qoldanylmaıdy.
Material avtory
