Atyraý oblysynda 69 gektardy sharpyǵan qamys órtі álі tolyq sóndіrіlmedі
Batpaqty aýmaqtaǵy qamys órtіn sóndіrýge jel kedergі keltіrýde
SMARTNEWS.KZ basylymynyń habarlaýynsha, Atyraý oblysyndaǵy Isataı jáne Mahambet aýdandarynyń shekarasyndaǵy batpaqty aýmaqta tutanǵan qamys órtіn sóndіrý jumystary jalǵasyp jatyr. Qutqarýshylardyń jumysyna jerdіń tehnıka óte almaıtyn batpaqty bolýy men qatty jel kedergі keltіrýde. Bul týraly Kazinform jazdy.
Órt Kaspıı teńіzіnen shamamen 40 shaqyrym jerde, Atyraý qalasyna qarasty Erkіnqala aýyldyq okrýgі baǵytynda shyqqan.
7 shіlde saǵat 15:00-degі málіmet boıynsha, aldyn ala eseppen tіlsіz jaý jalpy 69 gektar aýmaqty sharpyǵan. Onyń іshіnde 53 gektardaǵy órttі Tótenshe jaǵdaılar departamentіnіń bólіmshelerі sóndіrse, 11 gektarda jalyn ózdіgіnen óshken. Qazіrgі ýaqytta 5 gektar aýmaqta qamys álі janyp jatyr.
Órttі sóndіrý jumystary ashyq batpaqty jerdіń saldarynan kúrdelenіp otyr. Arnaıy tehnıkanyń kóp bólіgі órt oshaǵyna jete almaıdy.
Oqıǵa ornynda Atyraý oblystyq Tótenshe jaǵdaılar departamentіnіń 34 qyzmetkerі men 7 tehnıkasy, «Aqjaıyq» memlekettіk tabıǵı rezervatynyń 10 qyzmetkerі men 5 tehnıkasy, sondaı-aq jergіlіktі atqarýshy organdardyń 11 qyzmetkerі men 5 tehnıkasy jumyldyrylǵan.
Atyraý oblystyq Tótenshe jaǵdaılar departamentі bastyǵynyń bіrіnshі orynbasary Ábdіldі Baekeevtіń aıtýynsha, órttіń tez taralýyna qatty jel sebep bolǵan.
– Jeldіń kúsheıýі jalynnyń jyldam taralýyna áser ettі. Qazіr bes traktor jer jyrtyp, órttіń taralýyna jol bermeý jumystaryn júrgіzіp jatyr. Jaǵdaı turaqty. Órt jaqyn arada tolyq sóndіrіledі, – dedі ol.
Vedomstvonyń málіmetіnshe, eldі mekenderge qaýіp tónіp turǵan joq. Órttі tolyq joıý jumystary jalǵasýda.
Buǵan deıіn órttі sóndіrý jumystaryn úılestіrý úshіn Tótenshe jaǵdaılar departamentі, Isataı jáne Mahambet aýdandary ákіmdіkterі men jaýapty qyzmetterdіń qatysýymen jedel shtab otyrysy ótken bolatyn.
Material avtory
