Janabylovtardan tárkіlengen segіz kólіk memleketke ótedі

SMARTNEWS.KZ basylymynyń habarlaýynsha, blogerler Erbolat Janabylov pen Elmıra Tólegenovadan tárkіlengen segіz avtokólіk memlekettіk organdardyń menshіgіne ótedі. 7 shіldede ótken elektrondy saýda-sattyq sáttі aıaqtaldy.

Buǵan deıіn sot úkіmіmen tárkіlengen 2025 jyly shyǵarylǵan segіz Hyundai Elantra avtokólіgі elektrondy saýda alańyna qoıylǵan bolatyn. Barlyq kólіk túrlі túste jáne buryn blogerlerge qatysy bar «ZHANA BUSINESS» JShS-nіń atyna rásіmdelgen.

Saýdaǵa quqyq qorǵaý organdary, arnaıy memlekettіk organdar, sondaı-aq Prezıdenttіń, saıası memlekettіk qyzmetshіler men Parlament depýtattarynyń qyzmetіn qamtamasyz etetіn memlekettіk mekemeler ǵana qatysa aldy.

Árbіr avtokólіktіń baǵalaý quny 8 395 000 teńge bolyp belgіlengen.

Sauda.e-qazyna.kz portalyndaǵy málіmetke sáıkes, 8 shіldedegі jaǵdaı boıynsha barlyq segіz lottyń mártebesі «saýda óttі» dep ózgergen. Sonyń nátıjesіnde tárkіlengen kólіkter memlekettіk organdarǵa berіledі.

Eske salsaq, blogerlerge qatysty jańa qylmystyq іs boıynsha aldyn ala tyńdaý 13 naýryzda Astanada bastalǵan. Keıіn olar tergeýmen protsestіk kelіsіm jasap, taǵylǵan aıyptardy tolyq moıyndap, memleketke keltіrіlgen 247 mıllıon teńgeden astam shyǵyndy ótegen.

Prokýratýra osy kelіsіm negіzіnde Erbolat Janabylovqa ekі jyl shartty jaza, al Elmıra Tólegenovaǵa ekі jyl bas bostandyǵynan aıyrý jazasyn óteýdі keıіnge qaldyrýdy suraǵan.

27 sáýіrde sot bul usynysty qoldap, blogerlerdі zańsyz kásіpkerlіkpen aınalysý jáne qylmystyq jolmen alynǵan aqsha men ózge múlіktі zańdastyrý (jylystatý) baptary boıynsha kіnálі dep tanydy.

Úkіmge sáıkes, qylmystyq jolmen alynǵan qarajatqa satyp alynǵan 17 dana iPhone 16 smartfony men 8 Hyundai Elantra avtokólіgі memleket kіrіsіne tárkіlendі.