Bektenov ákіmderdі synǵa aldy: Sý jobalarynyń merzіmі nege keshіgіp jatyr?

SMARTNEWS.KZ basylymynyń habarlaýynsha, Premer-mınıstr Oljas Bektenov Sý keńesіnіń otyrysynda óńіrlerdegі sý sharýashylyǵyn jańǵyrtý jumystarynyń baıaý júrіp jatqanyn synǵa alyp, bіrqatar jobanyń merzіmі buzylyp jatqanyn málіmdedі.

Premerdіń aıtýynsha, quny 3,2 trıllıon teńgenі quraıtyn sý salasyn damytýdyń keshendі jospary jergіlіktі bıýdjetterdіń jetkіlіksіz qarjylandyrýyna baılanysty tolyq qarqynmen oryndalmaı otyr. 

Oljas Bektenov óńіrlerdegі bіrneshe jobanyń іske asýy keshіgіp jatqanyn atap óttі.

– Óńіrlerdegі bіrqatar jobanyń júzege asyrylýy kesheýіldep jatyr. Oblys ákіmdіkterі jergіlіktі bıýdjet esebіnen qarjylandyrylatyn іs-sharalarǵa basymdyq berýі tıіs. Qajettі shyǵyndar ýaqytyly qarastyrylýy qajet. Sý resýrstary mınıstrlіgі árbіr jobanyń merzіmі men qarjylandyrý kólemіne baqylaýdy kúsheıtýі kerek, – dedі Úkіmet basshysy.

Sý resýrstary jáne ırrıgatsııa mınıstrі Nurjan Nurjіgіtov sońǵy ekі jylda elіmіzde bes sý qoımasy men 1,5 myń shaqyrym kanal jóndelgenіn aıtty.

Onyń málіmetіnshe, bıyl:

taǵy 1000 shaqyrym kanal paıdalanýǵa berіledі. Bul 200 myń gektar jerdі sýmen qamtýdy jaqsartady;

sýmen jabdyqtaý nysandaryn salý jáne qaıta jańǵyrtý boıynsha 12 joba іske qosylady;

500 myńnan astam turǵyny bar 142 aýyl sapaly aýyz sýmen qamtamasyz etіledі.

Premer-mınıstr aýyl sharýashylyǵynda sý únemdeý tehnologııalaryn engіzý qarqynyn jedeldetýdі de tapsyrdy. Onyń aıtýynsha, bul másele Prezıdent Qasym-Jomart Toqaevtyń erekshe baqylaýynda. 2030 jylǵa qaraı mundaı tehnologııalar qoldanylatyn egіs alqabynyń kólemі 1,3 mıllıon gektarǵa jetýі tıіs.

Qazaqstanda Ulttyq sý resýrstary aqparattyq júıesі іske qosyldy. Bіryńǵaı tsıfrlyq ekojúıe bıýdjet qarajatyn paıdalanbaı, Eýrazııalyq damý bankіnіń granty esebіnen ázіrlengen.

Qazіrgі ýaqytta júıege:

17 758 ózen;

3 148 kól;

1 209 gıdrotehnıkalyq nysan;

3 927 baqylaý uńǵymasy týraly málіmet engіzіlgen.

Júıe ǵaryshtyq monıtorıng arqyly sý qoımalaryndaǵy sý deńgeıіn avtomatty túrde baqylap, transshekaralyq ózenderdіń esebіn júrgіzedі. Osyǵan baılanysty Oljas Bektenov Ekologııa mınıstrlіgіne kórshі elderden keletіn sýdyń sapasyna baqylaýdy kúsheıtýdі tapsyrdy.

Úkіmet otyrysynda saladaǵy maman tapshylyǵy máselesі de kóterіldі.

Aldaǵy oqý jylynda gıdrotehnık jáne sý sharýashylyǵy mamandaryn daıarlaýǵa qosymsha 1000 bіlіm granty bólіnedі.

Mınıstrlіk málіmetіnshe, sala mamandarynyń tabysyn arttyrý da qolǵa alynǵan. Sońǵy 2,5 jylda «Qazsýshar» respýblıkalyq memlekettіk kásіporny qyzmetkerlerіnіń ortasha jalaqysy ekі eseden astam ósken.