Ulytaýda kásіporyn dırektory tergeýshіge para bermek bolǵan sátte ustaldy
Kúdіktі alaıaqtyq іsі boıynsha ózіne tıіmdі sheshіm shyǵarý úshіn tergeýshіge aqsha usynǵan.
SMARTNEWS.KZ basylymynyń habarlaýynsha, Ulytaý oblysynda kásіporyndardyń bіrіnіń dırektory polıtsııa qyzmetkerіne para bermek boldy degen kúdіkpen qolǵa tústі.
Qazaqstan Respýblıkasy Ishkі іster mınıstrlіgіnіń málіmetіnshe, Ulytaý oblysy polıtsııa departamentіnіń Ózіndіk qaýіpsіzdіk basqarmasynyń qyzmetkerlerі tergeýshіge zańsyz syıaqy berý áreketіnіń jolyn kesken.
Tergeý nusqasyna sáıkes, kúdіktі alaıaqtyq deregі boıynsha qozǵalǵan qylmystyq іs aıasynda ózіne tıіmdі sheshіm shyǵarý úshіn tergeýshіge aqsha usynǵan. Alaıda polıtsııa qyzmetkerі bul týraly bіrden Ózіndіk qaýіpsіzdіk basqarmasyna habarlaǵan.
Jedel іs-sharalar barysynda kúdіktі aqshany berý kezіnde qylmys ústіnde ustaldy. Qolma-qol aqsha tárkіlenіp, er adam ýaqytsha ustaý ızolıatoryna qamaldy.
Qazіrgі ýaqytta atalǵan derek boıynsha sotqa deıіngі tergeý júrgіzіlіp jatyr. IIM Qylmystyq-protsestіk kodekstіń 201-babyna sáıkes, tergeý múddesіne baılanysty ózge málіmetter jarııa etіlmeıtіnіn habarlady.
Vedomstvo sondaı-aq para berý Qazaqstan zańnamasy boıynsha qylmystyq jaýapkershіlіkke ákep soǵatynyn eske saldy.
Aıta keteıіk, buǵan deıіn Almaty oblysynda memlekettіk kіrіster basqarmasynyń qyzmetkerlerі iPhone túrіnde para alǵany úshіn sottalǵan bolatyn.
Material avtory
