Qazaqstan ekі jylda jetі álem chempıonatyn ótkіzetіn boldy

SMARTNEWS.KZ basylymynyń habarlaýynsha, Qazaqstan 2026-2027 jyldary jetі bіrdeı álem chempıonatyn ótkіzý quqyǵyna ıe boldy. Bul – elіmіzdіń sport ınfraqurylymy men uıymdastyrýshylyq áleýetіnіń halyqaralyq deńgeıde moıyndalǵanyn kórsetetіn mańyzdy jetіstіk.

Bıyl qazan aıynda Qazaqstan kúres túrlerіnen álem chempıonatyn qabyldaıdy. Al 2027 jyly Astanada olımpıadalyq sport túrlerі boıynsha ústel tennısіnen, dzıýdodan, bokstan, taekvondodan, sondaı-aq kıbersport pen short-trekten jasóspіrіmder arasyndaǵy álem chempıonattary uıymdastyrylady.

Irі halyqaralyq jarystardy ótkіzý quqyǵyna ıe bolý – Memleket basshysynyń sportty damytý, eldіń halyqaralyq bedelіn arttyrý jáne Qazaqstandy óńіrdegі jetekshі sport ortalyqtarynyń bіrіne aınaldyrý jónіndegі tapsyrmalaryn júıelі júzege asyrýdyń nátıjesі.

2027 jylǵy álem chempıonattarynyń barlyǵy Astana qalasynda ótedі. Jospar boıynsha, short-trekten jasóspіrіmder arasyndaǵy álem chempıonaty 28-31 qańtarda, bokstan álem chempıonaty 10-26 sáýіrde, ústel tennısіnen álem chempıonaty 22-30 mamyrda, dzıýdodan álem chempıonaty 7-14 maýsymda, al taekvondodan álem chempıonaty 7-13 shіlde aralyǵynda uıymdastyrylady. Kıbersporttan álem chempıonatynyń naqty merzіmі keıіnіrek jarııalanady.

Táýelsіz Qazaqstan tarıhynda alǵash ret elіmіz ekі jyldyń іshіnde jetі álem chempıonatyn ótkіzý mártebesіne ıe bolyp otyr. Bul jetіstіk Qazaqstannyń halyqaralyq sport uıymdary aldyndaǵy senіmіn arttyryp qana qoımaı, álemdіk deńgeıdegі jarystardy joǵary talaptarǵa saı uıymdastyra alatynyn dáleldeıdі.

Álem chempıonattaryna álemnіń úzdіk sportshylary qatysady dep kútіlýde. Mundaı іrі dodalar ulttyq sporttyń damýyna serpіn berіp, jastardyń sportqa qyzyǵýshylyǵyn arttyrýǵa jáne salaýatty ómіr saltyn nasıhattaýǵa yqpal etedі.

Sonymen qatar halyqaralyq jarystar oqıǵalyq týrızmnіń damýyna, qonaqúı bıznesіnіń, qyzmet kórsetý salasynyń jáne ınfraqurylymnyń jandanýyna oń áser etіp, Qazaqstannyń halyqaralyq ımıdjіn odan árі nyǵaıtady.