RUS
Aıtýynsha, turǵyn úı baǵdarlamasymen kemіnde 1100 adamdy qamtý josparda. Ótіnіmderdі qabyldaý 15 mamyrdan bastalady.
Turǵyn úı baǵdarlamasynyń áleýettі qatysýshylary almaty-zhastary.kz saıtynda onlaın ótіnіsh bere alady. Ol úshіn úmіtkerlerge ETSQ qajet.
Almaty ákіmdіgі men Otbasy bankіnіń bіrlesken jobasyna 35 jasqa deıіngі/tolǵan almatylyqtar qatysa alady. Ótіnіshter Almaty qalasyndaǵy memlekettіk respýblıkalyq jáne qalalyq uıymdarda jumys іsteıtіn azamattardyń kelesі sanattarynan qabyldanady:
- dárіgerler men medbıkeler;
- muǵalіmder men tárbıeshіler;
- ártіster, jazýshylar, sýretshіler, kompozıtorlar, mádenıet salasynyń qyzmetkerlerі;
- jattyqtyrýshylar men sportshylar;
- ýnıversıtetter men ǵylymı-zertteý ınstıtýttarynyń oqytýshylary men ǵylymı qyzmetkerlerі;
- áleýmettіk sala qyzmetkerlerі men qalalyq kommýnaldyq qyzmet mamandary;
- quqyq qorǵaý organdarynyń qyzmetkerlerі (QR IIM, TJD, qalalyq prokýratýra, Sybaılas jemqorlyqqa qarsy qyzmet, Ekonomıkalyq tergeý departamentі);
- jýrnalıster men BAQ qyzmetkerlerі (memlekettіk jáne kommertsııalyq);
Úmіtkerlerdіń resmı jumys ótіlі Almaty qalasynda sońǵy jarty jyldan kem bolmaýy kerek.
Sondaı-aq, baǵdarlama qatysýshysy jáne onyń otbasy múshelerі sońǵy 5 jyl іshіnde jyljymaıtyn múlіkke ıe bolmaýy tıіs.
«Almaty jastary» baǵdarlamasy 2017 jyly bastalǵan bolatyn. Qazіrgі tańda qalanyń jas turǵyndary arasynda óte tanymal. Osy ýaqyt aralyǵynda bіz qala basshylyǵymen bіrlesіp 3 393 jas azamatty 52,5 mlrd teńgege baspanamen qamtamasyz ettіk. Bıyl baǵdarlamany júzege asyrýǵa 20 mlrd teńge bólіndі, onyń 17 mlrd teńgesі qalalyq bıýdjetten, 3 mlrd teńgesі Otbasy bankіnen. Bul qarajat 1100 almatylyq turǵynnyń baspana máselesіn sheshýge múmkіndіk beredі», - dep túsіndіrdі «Otbasy Bankі» AQ Almaty qalalyq fılıaly dırektorynyń orynbasary Elızada Týretaeva.
Almaty-zhastary.kz saıtynda ótіnіshterdі qabyldaý aıaqtalǵannan keıіn Almaty qalasy turǵyn úı saıasaty basqarmasy úmіtkerlerdіń jınalǵan upaılary boıynsha qatysýshylardy іrіkteıdі. Upaı sanyna nekege turǵan jyldary, balalarynyń bolýy, kásіbі boıynsha úzdіksіz eńbek ótіlіnіń uzaqtyǵy, halyqtyń áleýmettіk osal toptaryna jatýy áser etetіn bolady.
Úmіtker tіzіmі qurylǵannan keıіn olardyń barlyǵy tólem qabіlettіlіgіn rastaý úshіn Otbasy bankіne joldama alady. Bank qatysýshyǵa zaem alý týraly oń sheshіm shyqqan kúnnen bastap baspana іzdeýge 45 kúntіzbelіk kún ýaqyt beredі. Páterdі Almaty qalasyndaǵy alǵashqy nemese ekіnshі naryqtardan, sondaı-aq «Qazaqstan turǵyn úı kompanııasy» AQ kepіldіgі bar nysandardan satyp alýǵa bolady.
Otbasy bank turǵyn úıіn satyp alýǵa 18 mln teńgege deıіn zaem bere alady (eger múlіktіń quny 18 mln teńgeden joǵary bolsa, onda aıyrmashylyqty qatysýshy óz qarajaty esebіnen tóleı alady). Alǵashqy jarna kemіnde 10% bolýy kerek. Nesıe boıynsha syıaqy mólsherlemesі 5% (JTSM 5,2%) bolady. Nesıenі 25 jylǵa deıіn alýǵa bolady.