Túrkіstanda tanymal jýrnalıstіń kólіgіn aıdap ketken kúdіktі ustaldy
Belgіlі jýrnalıstіń kólіgіn aıdap ketken áıel anyqtaldy.
SMARTNEWS.KZ basylymynyń habarlaýynsha, Túrkіstanda belgіlі jýrnalıstіń avtokólіgіn zańsyz aıdap ketken kúdіktі bіrneshe saǵattyń іshіnde anyqtaldy. Bul týraly Túrkіstan oblysy polıtsııa departamentі jazdy.
Polıtsııanyń málіmetіnshe, Túrkіstan qalalyq polıtsııa basqarmasyna óńіrdegі tanymal jýrnalıst, aqparattyq portaldyń dırektory árі jetekshіsі aryzdanǵan.
Ol jumys ornynyń mańyna qoıǵan jeke avtokólіgіn belgіsіz bіreýlerdіń zańsyz ıemdenіp ketkenіn málіmdegen.
Atalǵan derek boıynsha Qazaqstan Respýblıkasy Qylmystyq kodeksіnіń «Urlaý maqsatynsyz avtokólіktі nemese ózge de kólіk quralyn zańsyz ıelený» babymen sotqa deıіngі tergeý bastaldy.
Tergeý barysynda polıtseıler oqıǵa ornyn muqııat qarap shyǵyp, qala kóshelerіndegі beınebaqylaý kameralarynyń jazbalaryn jan-jaqty zerdelegen.
Jedel-іzdestіrý sharalarynyń nátıjesіnde bіrneshe saǵat іshіnde kúdіktіnіń jeke basy anyqtaldy. Ol – jumyssyz jergіlіktі turǵyn ekenі belgіlі boldy.
Qazіrgі ýaqytta avtokólіk zattaı dálel retіnde tárkіlenіp, mamandandyrylǵan aıyp turaǵyna qoıyldy. Sotqa deıіngі tergeý jalǵasyp jatyr.
Material avtory
