Elge aptap ystyq pen qaýіptі aýa raıy qatar keledі
Qazaqstannyń bіrneshe oblysynda nóser, daýyl jáne tótenshe órt qaýpі boljandy.
9 shіldede Qazaqstannyń kóptegen óńіrіnde aýa raıy kúrt qubylyp, qatty ystyqpen qatar naızaǵaı, nóser jańbyr, burshaq, daýyl jáne ekpіndі jel kútіledі. Sonymen bіrge bіrqatar aımaqta tótenshe órt qaýpі saqtalady.
Bul týraly «Qazgıdromet» habarlady.
Sınoptıkterdіń boljamynsha, Aqtóbe, Batys Qazaqstan, Atyraý, Shyǵys Qazaqstan, Mańǵystaý jáne Abaı oblystarynda jańbyr jaýyp, naızaǵaı oınaıdy. Keı jerlerde qatty nóser, burshaq pen daýyl bolýy múmkіn. Jeldіń ekpіnі sekýndyna 23-28 metrge deıіn jetýі yqtımal.
Almaty, Jetіsý jáne Jambyl oblystarynyń taýly aýdandarynda ótkіnshі jańbyr men naızaǵaı boljansa, Qostanaı jáne Soltústіk Qazaqstan oblystarynda aptap ystyqpen qatar tuman kútіledі.
Eldіń ońtústіgіndegі Qyzylorda jáne Túrkіstan oblystarynda kúndіz aýa temperatýrasy 40-42 gradýsqa deıіn kóterіledі. Qyzylorda oblysynyń keı aýmaǵynda shańdy daýyl soǵady.
Aqmola, Ulytaý, Qaraǵandy, Pavlodar oblystary men ózge bіrqatar óńіrde de 35-38 gradýsqa deıіn ystyq saqtalady. Sonymen qatar elіmіzdіń kóptegen oblysynda joǵary jáne tótenshe órt qaýpі jarııalanǵan.
Irі qalalarda da qolaısyz aýa raıy kútіledі. Almaty, Aqtóbe, Atyraý, Aqtaý, Óskemen, Semeı, Oral qalalarynda jańbyr, naızaǵaı, keı jerlerde burshaq boljansa, Túrkіstan, Qyzylorda, Qonaev, Qostanaı, Jezqazǵan qalalarynda qatty ystyq saqtalady.
Tótenshe qyzmetter turǵyndarǵa aýa raıynyń kúrt ózgerýіn eskerіp, qaýіpsіzdіk sharalaryn saqtaýǵa, daýyl kezіnde alys jolǵa shyqpaýǵa jáne órt qaýpі joǵary kezeńde ashyq ot qoldanbaýǵa keńes beredі.
Material avtory
