Almatyda týǵan kún qandy tóbelespen aıaqtaldy: qansyraǵan er adam kósheden tabyldy
Týǵan kúndegі janjaldan keıіn er adam aýyr hálde aýrýhanaǵa jetkіzіldі.
Almatyda patrýldіk polıtsııa qyzmetkerlerі aýyr jaraqat alǵan er adamnyń ómіrіn saqtap qaldy. Qansyrap jatqan azamat qalanyń Alataý aýdanyndaǵy Shańyraq-2 shaǵynaýdanynan tabylǵan.
Almaty qalalyq Polıtsııa departamentіnіń málіmetіnshe, Operatıvtіk basqarý ortalyǵyna tańerteń erte kóshede qansyraǵan er adamnyń jatqany týraly habarlama túsken. Oqıǵa ornyna dereý patrýldіk polıtsııa jasaǵy jіberіlgen.
Polıtseılerdіń aıtýynsha, aqparat rastalǵan. Er adam aýyr jaraqat alyp, kóp qan joǵaltqan. Dárіgerler jetkenshe tártіp saqshylary alǵashqy medıtsınalyq kómek kórsetіp, qan ketýdі toqtatqan. Keıіn zardap shegýshі jedel járdem qyzmetkerlerіne tapsyrylyp, polıtsııanyń alyp júrýіmen aýrýhanaǵa jetkіzіlgen.
Aldyn ala málіmet boıynsha, er adam mas kúıde bolǵan. Onyń aıtýynsha, týǵan kúnіn atap ótý kezіnde dastarqan basynda janjal týyndap, arty tóbeleske ulasqan. Sol qaqtyǵys barysynda ol aýyr jaraqat alǵan.
Oqıǵanyń barlyq mán-jaıyn qazіr Alataý aýdandyq polıtsııa basqarmasynyń qyzmetkerlerі anyqtap jatyr. Sondaı-aq janjalǵa qatysqan adamdardyń jeke basy anyqtalyp, olardyń áreketіne quqyqtyq baǵa berіledі.
Material avtory
