Jelіde Danııar Eleýsіnovtіń ustalǵany týraly aqparat tarady
Toyota Land Cruiser júrgіzýshіsі ekі jol apatynan keıіn ustaldy.
Áleýmettіk jelіler men Telegram-arnalarda Astanada Olımpıada chempıony Danııar Eleýsіnovtіń ustalǵany týraly aqparat tarady. Alaıda polıtsııa ázіrge ustalǵan júrgіzýshіnіń jeke basyn resmı túrde rastaǵan joq.
Kozachkov offside Telegram-arnasynyń málіmetіnshe, oqıǵa elordadaǵy «Han Shatyr» saýda oıyn-saýyq ortalyǵynyń mańynda bolǵan.
Aqparatqa sáıkes, Toyota Land Cruiser kólіgіnіń júrgіzýshіsі úsh avtokólіk qatysqan ekі jol-kólіk oqıǵasyna sebep bolyp, keıіn oqıǵa ornynan ketіp qalǵan. Keıіn polıtsııa qyzmetkerlerі kólіktі toqtatqan. Telegram-arnasy rólde 35 jastaǵy Olımpıada chempıony Danııar Eleýsіnov bolǵanyn málіmdedі.
Sondaı-aq jarııalanǵan málіmette júrgіzýshіden alkogoldіk masańdyq belgіlerі baıqalǵandyqtan, onyń medıtsınalyq kýálandyrýǵa jіberіlgenі aıtylǵan.
Al Astana qalasynyń Polıtsııa departamentі Liter.kz redaktsııasyna ekі jol-kólіk oqıǵasy bolǵanyn jáne keıіn Toyota Land Cruiser júrgіzýshіsіnіń ustalǵanyn rastady. Alaıda onyń aty-jónіn jarııalaǵan joq.
Vedomstvonyń málіmetіnshe, jedel іzdestіrý sharalary barysynda kólіk Dostyq kóshesіnde anyqtalyp, toqtatylǵan.
«Kólіktі alkogoldіk masańdyq belgіlerі bar 35 jastaǵy er adam basqarǵan. Jol-kólіk oqıǵalary saldarynan zardap shekkender joq», – dep habarlady polıtsııa.
Qazіr atalǵan derek boıynsha tekserý júrgіzіlіp jatyr. Onyń qorytyndysy boıynsha júrgіzýshіnіń áreketіne quqyqtyq baǵa berіlіp, Qazaqstan Respýblıkasynyń zańnamasyna sáıkes tıіstі sheshіm qabyldanady.
Material avtory
