Prokýror Sultan Sársemálıevke ómіr boıyna bas bostandyǵynan aıyrý jazasyn surady

Atyraýda bútіn bіr otbasynyń ólіmіne qatysty qaralyp jatqan atyshýly іs boıynsha memlekettіk aıyptaýshy sottan aıyptalýshy Sultan Sársemálıevtі ómіr boıyna bas bostandyǵynan aıyrýdy surady. Bul týraly Kazinform agenttіgі jazdy.

Atyraý oblystyq prokýratýrasynyń bólіm prokýrory Mıras Baýyrjanovtyń aıtýynsha, sottalýshynyń áreketі aldyn ala josparlanǵan qylmystyq nıettіń nátıjesі bolǵan.

– Sottalýshy Sársemálıevtіń áreketіnіń saldarynan bіr shańyraqtyń shyraǵy máńgіlіkke sóndі. Is boıynsha barlyq dálelder jan-jaqty zertteldі. Sottalýshy jábіrlenýshіlerge bóten adam emes, olardyń kúıeý balasy bolǵan, – dedі memlekettіk aıyptaýshy.

Prokýrordyń málіmetіnshe, aıyptalýshy burynǵy áıelіnіń ata-anasy men týystaryn óltіrіp qana qoımaı, keıіn olardyń bank kartalary men uıaly telefondaryn paıdalanyp, alaıaqtyq áreketterge barǵan. Sondaı-aq marqumdardyń zeınetaqysyn ıemdený maqsatynda bank shotyn ashqany anyqtalǵan.

Memlekettіk aıyptaýshy Qylmystyq kodekstіń 53 jáne 54-baptaryna sáıkes aıyptalýshynyń jazasyn jeńіldetetіn eshqandaı mán-jaı anyqtalmaǵanyn atap óttі.

– Ol alǵashqy qylmystan keıіn áreketіn toqtatpaǵan. Bul – sanaly túrde júzege asyrylǵan qylmystyq jospar, – dedі Mıras Baýyrjanov.

Buǵan deıіngі sot otyrysynda prokýror aıyptaý aktіsіne ózgerіster engіzіp, ınternet arqyly jasalǵan alaıaqtyq pen mal urlyǵyna qatysty jańa aıyptardy qosqan bolatyn. Sonymen bіrge adam óltіrý baptarynyń quqyqtyq saralanýy da tolyqtyrylǵan.

Aıyptalýshy Sultan Sársemálıev buǵan deıіn qaıynaǵasy Naýryz Muqanǵalıevtі ózіn qorǵaý maqsatynda óltіrgenіn málіmdegen edі. Alaıda memlekettіk aıyptaýshy bul epızod boıynsha ustanymyn ózgertpeı, qylmys qasaqana jasalǵan degen aıypty saqtap qaldy.

Sot barysynda jábіrlenýshі tarap aıyptalýshydan 70 mıllıon teńge kólemіnde moraldyq ótemaqy óndіrýdі talap ettі.

Protsess kezіnde іske tіrkelgen zattaı dálelder kórsetіldі. Olardyń qatarynda marqumdardyń jeke qujattary, bank kartalary, baılanys quraldary jáne ózge de aıǵaqtar boldy. Sondaı-aq tergeý kezіnde túsіrіlgen beınejazba jarııalanyp, onda Sultan Sársemálıev qylmysty jasyrýǵa sheshіm qabyldaǵanyn jáne qaıynaǵasynyń taǵdyryna alańdamaǵanyn aıtqan.

Tergeý materıaldaryna sáıkes, kúdіktі 2024 jyldyń mamyrynda qaıynaǵasy Naýryz Muqanǵalıevtі ózі jaldap turǵan úıde óltіrіp, máıіtіn úıdіń іrgesіne kómgen. Al sol jyldyń qarashasynda ata-enesі Maqsot Qarabalın men Násіp Óteshqalıevany óltіrіp, denelerіn saraıǵa jasyrǵan. Keıіn Meıramgúl Qarabalınany Atyraýdaǵy jaldamaly úıge aparyp, pyshaqtap óltіrgen.

Tergeý barysynda Aqbaıan Muqanǵalıevanyń bul qylmystarǵa qatysy joq ekenі anyqtalǵan. Psıhıatrııalyq saraptama qorytyndysy boıynsha Sultan Sársemálıev esі durys dep tanylǵan.

Eske salaıyq, Jangeldın aýylynda turatyn otbasy 2025 jyldyń sońynda іz-túzsіz joǵalyp ketken bolatyn. Al 2026 jylǵy 6 qańtarda Maqsot Qarabalın men onyń jubaıy Násіp Óteshqalıevanyń máıіtterі saraıdan tabylǵan edі. Keıіn tergeý barysynda otbasy múshelerіnіń ólіmіne qatysty jańa derekter belgіlі boldy.