«Aldymen chempıon bolsyn»: Konor Makgregor Shavkat Rahmonovqa shart qoıdy
UFC 329 týrnırіnde Makgregor bes jyldyq úzіlіsten keıіn oktagonǵa qaıta oralady.
Irlandııalyq UFC juldyzy Konor Makgregor qazaqstandyq faıter Shavkat Rahmonovpen jekpe-jek ótkіzý múmkіndіgіne qatysty pіkіr bіldіrdі. Onyń aıtýynsha, mundaı kezdesýdі qarastyrý úshіn Rahmonov aldymen chempıondyq belbeýdі jeńіp alýy kerek. Bul týraly «Sport Shredıngera» basylymy jazdy.
UFC 329 týrnırі aldyndaǵy Las-Vegasta ótken baspasóz máslıhatynda jýrnalıster Makgregordan jartylaı orta salmaqtaǵy basty úmіtkerlerdіń bіrі sanalatyn Shavkat Rahmonov týraly surady. Buǵan deıіn qazaqstandyq sportshy ırlandııalyq Ian Gerrıdі jeńgen bolatyn.
Makgregor Rahmonovtyń aýyr jaraqat alyp, qazіr ońalý kezeńіnen ótіp jatqanyn bіletіnіn aıtty.
«Ol aldymen tolyq qalpyna kelsіn. Qazіr men ol týraly kóp oılamaımyn. Oǵan álі kóp eńbek etý kerek. Ol maǵan ne usyna alady? Chempıondyq belbeý me? Aldymen sol tıtýldy jeńіp alsyn. Sonda ǵana ony qarsylas retіnde qarastyramyn. Ol jaman sportshy emes», – dedі ırlandııalyq faıter.
12 shіldege qaraǵan túnі Las-Vegasta UFC 329 týrnırі ótedі. Keshtіń basty jekpe-jegіnde Konor Makgregor Maks Holloýeımen kezdesedі. Bul ırlandııalyq sportshynyń sońǵy bes jyldaǵy alǵashqy aıqasy bolmaq.
Makgregor sońǵy ret 2021 jyldyń shіldesіnde oktagonǵa shyǵyp, Dastın Poremen ótken úshіnshі jekpe-jekte aıaǵyn aýyr syndyryp alǵan edі. Keıіn Maıkl Chendlermen kezdesýі josparlanǵanymen, jańa jaraqatyna baılanysty týrnırden bas tartty.
Al Shavkat Rahmonov sońǵy kezdesýіn UFC 310 týrnırіnde ótkіzіp, tóreshіlerdіń bіraýyzdan qabyldaǵan sheshіmіmen Ian Gerrıdі jeńdі. Osy jekpe-jekten keıіn qazaqstandyq faıter jaraqatyn emdeýge kіrіstі.
Material avtory
