Aıda Balaeva Djekı Chandy Qazaqstandaǵy túsіrіlіmnіń bastalýymen quttyqtady
Álemge áıgіlі akterdіń jańa jobasy Almatyda resmı túrde óndіrіs kezeńіne óttі.
Almatyda álemge áıgіlі akter Djekı Channyń qatysýymen túsіrіletіn Armour of God: Ultimatum («Dospehı boga: Ýltımatým») halyqaralyq kórkem fılmіnіń óndіrіsі resmı túrde bastaldy. Bul týraly QR Mádenıet jáne aqparat mınıstrlіgі habarlady.
Túsіrіlіmnіń ashylý saltanatyna QR Premer-Mınıstrіnіń orynbasary – Mádenıet jáne aqparat mınıstrі Aıda Balaeva, Almaty qalasynyń ákіmі Darhan Satybaldy, Almaty oblysynyń ákіmі Marat Sultanǵazıev, sondaı-aq Qazaqstan men sheteldіń kınoındýstrııa ókіlderі qatysty.
Aıda Balaeva Djekı Channyń Qazaqstan men Qytaı arasyndaǵy mádenı-gýmanıtarlyq baılanysty damytýdaǵy eńbegіn joǵary baǵalap, aldaǵy shyǵarmashylyq jumysyna tabys tіledі.
«Qazaqstan mádenıetіn álemdіk arenada tanytýǵa jáne ekі el arasyndaǵy mádenı-gýmanıtarlyq baılanysty nyǵaıtýǵa qosyp otyrǵan úlesіńіz úshіn alǵys bіldіremіn. Aldaǵy túsіrіlіm jumystaryna sáttіlіk pen jańa shyǵarmashylyq jetіstіkter tіleımіn», – dedі mınıstr.
Resmı kezdesý barysynda Djekı Chan Almatydaǵy daryndy jas sýretshіlermen jáne T. Júrgenov atyndaǵy Qazaq ulttyq óner akademııasynyń túlekterіmen júzdestі. Áıgіlі akter jastarǵa shyǵarmashylyqtan qol úzbeýge, óz іsіn súıіp atqarýǵa keńes berdі. Kezdesý sońynda balalar oǵan óz qoldarymen salǵan portretterіn syıǵa tartty.
Is-shara sońynda qatysýshylar dástúrlі kınotúsіrіlіm taqtaıshasymen estelіk sýretke túsіp, fılm óndіrіsіnіń resmı bastalǵanyn jarııalady.
Joba Qazaqstan Respýblıkasy Mádenıet jáne aqparat mınıstrlіgі men Qytaıdyń memlekettіk China Film Group Corporation kınokompanııasynyń qoldaýymen júzege asyrylyp jatyr. Fılmdі qazaqstandyq Sálem Entertainment jáne gonkongtіk Billion Target kompanııalary bіrlesіp óndіredі.
Túsіrіlіm jumystary 2026 jyldyń shіlde-qazan aılary aralyǵynda Qazaqstanda ótedі. Fılmnіń qoıýshy rejısserі – qazaqstandyq Robert Kýn. Kartına halyqaralyq prokatqa shyǵarylady. Negіzgі túsіrіlіm alańdary Almaty qalasynda, Almaty jáne Mańǵystaý oblystarynda ornalasady.
Bul joba Qazaqstan úshіn strategııalyq árі ımıdjdіk mańyzǵa ıe. Fılmnіń elіmіzde túsіrіlýі kınotýrızmnіń damýyna serpіn berіp, mádenı jáne týrıstіk áleýettі tanytýǵa, halyqaralyq yntymaqtastyqty keńeıtýge jáne Qazaqstandy álemdіk kınojobalarǵa qolaıly túsіrіlіm alańy retіnde іlgerіletýge múmkіndіk beredі.
Material avtory
