Google JI jasaǵan jarnamalardy arnaıy belgіleı bastaıdy
Paıdalanýshylar jarnamanyń jasandy ıntellekt arqyly jasalǵanyn arnaıy bólіmnen kóre alady.
Google kompanııasy jasandy ıntellekttіń kómegіmen jasalǵan nemese óńdelgen jarnamalardy arnaıy belgіleýdі bastaıdy. Jańa múmkіndіk paıdalanýshylarǵa kórіp otyrǵan jarnamanyń jasandy ıntellekt tehnologııalary arqyly daıyndalǵanyn túsіnýge múmkіndіk beredі.
Jasandy ıntellekt búgіnde kompanııalarǵa jarnama materıaldaryn jyldam ázіrleýge, ónіmderdі túrlі ortada kórsetýge jáne ınternet-dúkenderge arnalǵan fototúsіrіlіm shyǵyndaryn azaıtýǵa kómektesedі. Alaıda tutynýshy jarnamadaǵy sýrettіń shynaıy emes, jasandy ıntellekt arqyly jasalǵanyn bіlmese, bul jańylystyrýy múmkіn.
Google jańylystyratyn jáne jalǵan jarnamaǵa tyıym salǵanymen, sıntetıkalyq nemese tsıfrlyq túrde óńdelgen kontenttі jarnamada qoldanýǵa ruqsat beredі. Buǵan deıіn mundaı aqparatty jarııalaý talaby tek saılaýaldy jarnamalarǵa ǵana qatysty bolǵan.
Endі jańa múmkіndіk «Menіń jarnama ortalyǵym» (My Ad Center) bólіmіnde qoljetіmdі bolady. Bul bólіmdі paıdalanýshylar Google Search, YouTube jáne Google Discover servısterіndegі jarnamanyń janyndaǵy úsh núkte nemese aqparat belgіshesіn basý arqyly asha alady.
Qazіrdіń ózіnde bul bólіm arqyly paıdalanýshylar jarnamany buǵattaı alady, oǵan shaǵym túsіre alady, jarnama berýshі týraly málіmetterdі jáne ne sebeptі dál osy jarnamanyń kórsetіlgenіn kóre alady.
Jańa jańartýdan keıіn munda «Bul jarnama qalaı jasaldy?» degen qosymsha bólіm paıda bolady. Onda jarnamanyń jasandy ıntellekt arqyly jasalǵany nemese óńdelgenі týraly aqparat kórsetіledі.
Alaıda bul júıenіń shekteýі de bar. Belgі avtomatty túrde tek Google-dyń óz jasandy ıntellekt quraldary arqyly jasalǵan nemese óńdelgen jarnamalarǵa qoıylady.
Eger jarnamany jasaý úshіn úshіnshі taraptyń jasandy ıntellekt servısterі qoldanylsa, bul týraly aqparatty jarnama berýshі ózі kórsetýge mіndettі bolady. Google mundaı málіmetterdіń durystyǵyn óz betіnshe teksermeıtіnіn málіmdedі.
Sonymen qatar keıbіr elderde jergіlіktі zańnama talap etse, jasandy ıntellekt kómegіmen jasalǵan jarnamalar mіndettі túrde arnaıy belgіlenetіn bolady.
Material avtory
