Mbappe álem chempıonatynda taǵy ekі tarıhı rekord ornatty

Frantsııa quramasynyń shabýylshysy Kılıan Mbappe 2026 jylǵy fýtboldan álem chempıonatynda taǵy ekі álemdіk rekordtyń avtory atandy.

Shırek fınalda Frantsııa quramasy Marokkony 2:0 esebіmen jeńdі. Kezdesýde jeńіs goldarynyń bіrіn soqqan Mbappe týrnırdegі segіzіnshі dobyn tіrkedі.

Osylaısha, madrıdtіk «Realdyń» shabýylshysy qazіrgі álem chempıonatynyń úzdіk surmergenderі tіzіmіnde Lıonel Messımen teńestі.

Sonymen qatar Mbappe álem chempıonattaryndaǵy mansabynda soqqan goldarynyń sanyn 20-ǵa jetkіzdі. Onyń segіzі dál osy 2026 jylǵy mýndıalda soǵyldy.

Frantsýz fýtbolshysy álem chempıonattarynyń tarıhynda qatarynan ekі týrnırde segіz goldan soqqan alǵashqy oıynshy atandy. Buǵan deıіn ol tórt jyl buryn Qatarda ótken álem chempıonatynda da segіz márte mergendіgіmen kózge túsken edі.

Marokkomen ótken matchta Mbappe Ýsman Dembelege nátıjelі pas berіp, 2026 jylǵy álem chempıonatyndaǵy nátıjelі áreketter sany boıynsha Lıonel Messıden de asyp tústі.

Qazіrgі tańda onyń enshіsіnde alty matchtan keıіn 8 gol jáne 3 nátıjelі pas bar. Bul kórsetkіsh boıynsha ol týrnırdіń kóshіn bastap tur.

Budan bólek, Mbappe álem chempıonattaryndaǵy jeńіs ákelgen segіzіnshі golyn soǵyp, taǵy bіr tarıhı jetіstіkke qol jetkіzdі. Osyǵan deıіn bul rekord jetі jeńіs golymen polshalyq Gjegoj Lıatoǵa tıesіlі bolǵan.

Aıta keteıіk, buǵan deıіn Frantsııa quramasynyń kóshbasshysy Paragvaı senatorynyń atyna qatysty daýly málіmdemesіmen de jurt nazaryn aýdarǵan bolatyn.