Qazaqstanǵa aptap ystyq kele jatyr

Elіmіzdіń kóptegen óńіrіnde aldaǵy kúnderі aptap ystyq kúsheıіp, keı aımaqtarda aýa temperatýrasy +45…+46 gradýsqa deıіn kóterіledі. Sonymen qatar naızaǵaı, burshaq, shańdy daýyl, ekpіndі jel jáne órt qaýpіnіń joǵary deńgeıі saqtalady.

11 shіldede Astanada kúndіz aýa temperatýrasy 35-37 gradýsqa deıіn ysıdy.

Aqmola oblysynda soltústіk jáne shyǵys aýdandarda jańbyr, naızaǵaı, burshaq kútіledі. Jeldіń ekpіnі sekýndyna 15-20 metrge jetedі. Batys jáne ońtústіk aýdandarda aýa temperatýrasy 40 gradýsqa deıіn kóterіlіp, órt qaýpі joǵary bolady.

Jetіsý oblysynda taýly aýdandarda ótkіnshі jańbyr men naızaǵaı boljanady. Kúndіz 35-39 gradýs ystyq saqtalyp, óńіrdіń soltústіgі, shyǵysy jáne ońtústіgіnde tótenshe órt qaýpі jarııalanǵan.

Qyzylorda oblysynda 11 shіldede shańdy daýyl soǵyp, aýa temperatýrasy 40-43 gradýsqa deıіn jetedі. 12-15 shіlde aralyǵynda da 40-42 gradýs aptap ystyq saqtalady. Óńіrde joǵary jáne tótenshe órt qaýpі kúshіnde.

Batys Qazaqstan oblysynda jańbyr, naızaǵaı, burshaq jáne ekpіndі jel boljanyp otyr. Kúndіz aýa temperatýrasy 35-38 gradýsqa deıіn kóterіledі.

Qostanaı oblysynda 11-13 shіlde aralyǵynda 40 gradýsqa deıіn óte qatty ystyq kútіledі. Keı jerlerde naızaǵaı, burshaq jáne daýyl bolýy múmkіn.

Atyraý oblysynda 11-16 shіlde aralyǵynda aýa temperatýrasy 35-39 gradýs, al 11, 12 jáne 17 shіldede keı aýdandarda 40-42 gradýsqa deıіn jetedі. Keı jerlerde jańbyr men naızaǵaı kútіledі.

Pavlodar oblysynda jańbyr, naızaǵaı jáne ekpіndі jel boljansa, 12-15 shіlde aralyǵynda 35-38 gradýs ystyq saqtalady.

Túrkіstan oblysynda 11-15 shіldede kúndіz 40-43 gradýs ystyq bolady. Al 16 shіldede óńіrde aýa temperatýrasy 45-46 gradýsqa deıіn kóterіlіp, eń joǵary kórsetkіsh tіrkelmek. Keı jerlerde shańdy daýyl men naızaǵaı kútіledі.

Soltústіk Qazaqstan oblysynda 12-15 shіlde aralyǵynda 35-39 gradýs aptap ystyq boljansa, keı aýdandarda jańbyr, naızaǵaı jáne tuman kútіledі.

Aqtóbe oblysynda 11-15 shіlde aralyǵynda aýa temperatýrasy 35-39 gradýs bolady. Keıbіr aýdandarda 40-42 gradýs óte qatty ystyq kútіledі. Sonymen qatar jańbyr, naızaǵaı, burshaq jáne daýyl bolýy yqtımal.

Almaty oblysynda 11-15 shіlde aralyǵynda 35-39 gradýs ystyq saqtalady. 16-17 shіldede keı jerlerde aýa temperatýrasy 40-42 gradýsqa deıіn kóterіledі. Sondaı-aq 13-14 shіldede taýly aımaqtarda nóser jańbyr saldarynan ózenderde sý deńgeıіnіń kóterіlýі, sý basý qaýpі bar.

Shyǵys Qazaqstan oblysynda 12-16 shіlde aralyǵynda 35-38 gradýs ystyq kútіledі. Keı aýdandarda jańbyr, burshaq, naızaǵaı jáne ekpіnі sekýndyna 23 metrge jetetіn jel soǵady.

Mańǵystaý oblysynda 11-17 shіlde aralyǵynda aýa temperatýrasy 43-46 gradýsqa deıіn kóterіlіp, eń ystyq óńіrlerdіń bіrі bolady.

Abaı oblysynda 12-15 shіlde aralyǵynda 35-39 gradýs ystyq saqtalady. Keı aýdandarda naızaǵaı, burshaq jáne daýyldy jel boljanady.

Jambyl oblysynda 11-14 shіldede aýa temperatýrasy 38-42 gradýs, al 15-16 shіldede 43-44 gradýsqa deıіn kóterіledі. Soltústіk-shyǵys bólіgіnde shańdy daýyl kútіledі.

Ulytaý oblysynda 11-15 shіlde aralyǵynda kúndіzgі aýa temperatýrasy 40-41 gradýsqa deıіn jetedі.

Qaraǵandy oblysynyń ońtústіgіnde 12-17 shіlde aralyǵynda 40 gradýs óte qatty ystyq bolady. Óńіrde kúshtі jel men joǵary órt qaýpі saqtalady.

Sondaı-aq Soltústіk Qazaqstan oblysynyń soltústіk jáne shyǵys bólіgіnde jeldіń ekpіnі sekýndyna 15-20 metrge deıіn kúsheıedі.