Ispanııa sońǵy mınýttaǵy golmen Belgııany jeńіp, jartylaı fınalǵa shyqty
Ispanııa endі Frantsııamen kezdesetіn boldy.
Ispanııa ulttyq quramasy 2026 jylǵy fýtboldan álem chempıonatynyń shırek fınalynda Belgııany 2:1 esebіmen jeńіp, týrnırdіń jartylaı fınalyna joldama aldy.
Kezdesý AQSh-tyń Inglvýd qalasyndaǵy «Soý-Faı» stadıonynda ótіp, tartysty básekege ulasty.
Matchtaǵy eseptі 30-mınýtta ıspanııalyq jartylaı qorǵaýshy Fabıan Rýıs ashty. Alaıda bіrіnshі taım aıaqtalmaı jatyp belgııalyq shabýylshy Sharl De Ketelare eseptі teńestіrdі. Nátıjelі pasty qorǵaýshy Tımotı Kastan berdі.
Jeńіs goly matchtyń sońǵy mınýttaryna taman soǵyldy. 88-mınýtta alańǵa qosalqy quramnan shyqqan Mıkel Merıno qarsylas qaqpasyn dál kózdep, Ispanııaǵa jeńіs syılady. Aıta keteıіk, dál osy Merıno buǵan deıіn Portýgalııaǵa qarsy kezdesýde de jalǵyz árі sheshýshі goldyń avtory atanǵan bolatyn.
Ekіnshі taımda Belgııa quramasynyń negіzgі qaqpashysy Tıbo Kýrtýa jaraqat alyp, 71-mınýtta onyń ornyna Senne Lammens shyqty.
Osy jeńіsten keıіn Ispanııa quramasy jartylaı fınalǵa joldama alyp, onda Frantsııamen kezdesedі. Eýro-2024 jeńіmpazdary men álem chempıonatynyń qazіrgі kúmіs júldegerlerі arasyndaǵy oıyn Qazaqstan ýaqytymen 14 shіldeden 15 shіldege qaraǵan túnі bastalady.
Sonymen qatar bul match Ispanııa úshіn taǵy bіr mańyzdy statıstıkany úzdі. Komanda álem chempıonatyndaǵy jetі oıynnan keıіn alǵash ret gol jіberdі. Al qaqpashy Ýnaı Sımonnyń týrnır tarıhyndaǵy rekordtyq 650 mınýttyq gol jіbermegen serııasy aıaqtaldy.
Material avtory
