2 mlrd teńge: Astanada qylmystyq top múshelerі uzaq merzіmge sottaldy
Bank pen HQKO qyzmetkerlerі qatysqan avtokólіk alaıaqtyǵynyń jaı-japsary belgіlі boldy.
Astanada avtokólіkke qatysty іrі alaıaqtyq іsі boıynsha uıymdasqan qylmystyq toptyń jetekshіsі men onyń múshelerіne sot úkіmі shyǵaryldy. Qylmystyq іs boıynsha aıyptalýshylar oryndyǵynda 13 adam boldy. Bul týraly «Jetіnshі arna» habarlady.
Tergeý málіmetіnshe, qylmystyq top 96 avtokólіktі zańsyz ıemdengen. Budan bólek, tek qujat júzіnde ǵana bolǵan 47 «vırtýaldy» kólіkke nesıe rásіmdegen. Keltіrіlgen jalpy shyǵyn 2 mlrd teńgege jýyq.
Aıyptalýshylar arasynda qylmystyq toptyń uıymdastyrýshysy, oǵan kómektesken ekі bank qyzmetkerі, «Azamattarǵa arnalǵan úkіmet» memlekettіk korporatsııasynyń úsh qyzmetkerі, sondaı-aq kólіkterdі tasymaldaýmen jáne qaıta satýmen aınalysqan adamdar bolǵan.
Tergeý barysynda alaıaqtardyń ekі túrlі shemany paıdalanǵany anyqtaldy.
Bіrіnshі jaǵdaıda azamattarǵa avtokólіktі nesıege alyp, keıіn ony jalǵa berý arqyly turaqty tabys tabýǵa bolady degen usynys jasalǵan. Alaıda kólіk rásіmdelgennen keıіn ony alaıaqtar óz ıelіgіne ótkіzіp, qysqa merzіmde satyp jіbergen.
Ekіnshі shemaǵa HQKO qyzmetkerlerі tartylǵan. Olar shyn mánіnde joq avtokólіkterge jalǵan qujat rásіmdep, sonyń negіzіnde nesıe alýǵa múmkіndіk jasaǵan.
Sot sheshіmіmen uıymdasqan qylmystyq toptyń jetekshіsі 10 jylǵa bas bostandyǵynan aıyryldy. Onyń sybaılastary 6 jyldan 8 jylǵa deıіngі merzіmge sottaldy. Al «Azamattarǵa arnalǵan úkіmet» qyzmetkerlerіne 3 jyl bas bostandyǵynan aıyrý jazasy taǵaıyndaldy.
Material avtory
