Elordada ekі kúndіk BaiQymyz-2026 festıvalі bastaldy
Bas sahnada qazaqstandyq tanymal ánshіler men shyǵarmashylyq ujymdar ekі kún boıy óner kórsetedі.
Búgіn, 11 shіldede Astanadaǵy «Qazanat» ıppodromynda ekі kúnge jalǵasatyn BaiQymyz-2026 halyqaralyq gastrofestıvalі óz jumysyn bastady. Bul týraly Astana qalasy ákіmdіgіnіń resmı saıty jazdy.
Festıval barysynda kelýshіler qymyzdyń san alýan túrіnen dám tatyp, ony ázіrleýdіń dástúrlі ádіsterіmen tanysa alady. Sondaı-aq úzdіk qymyz óndіrýshіler anyqtalatyn halyqaralyq baıqaý uıymdastyrylǵan.
Is-shara aıasynda ulttyq taǵamdardy daıyndaýǵa arnalǵan aspazdyq shoýlar men sheberlіk sabaqtary, «Úzdіk qazy» baıqaýy, sondaı-aq ulttyq sport túrlerіnen jarystar ótedі. Baǵdarlamada kókpar, báıge, aýdaryspaq, qyz qýý, dástúrlі sadaq atý saıystary bar.
Budan bólek, qonaqtarǵa «Qoı kóterý», «Jіlіk syndyrý», shógen oıyny, at ústіndegі kvıddıch, jaýyngerlіk jylqylardyń kórsetіlіmі, ER QANATY jylqylarynyń sherýі jáne at ústі ónerі sheberlerіnіń arnaıy qoıylymdary usynylady.
Festıval aıasynda ulttyq mádenıet pen salt-dástúrdі dárіpteýge arnalǵan «Dástúr sánі: BaiQymyz-2026» baıqaýy da ótіp jatyr. Baıqaý jeńіmpazdary 12 shіldede anyqtalady.
Merekelіk kontsertte Sadraddin, Qazybek Quraıysh, Ǵazızhan Shekerbek, «Turan» etno-folklorlyq ansamblі, Jubanysh Jeksen, Qaırat Bákenov pen Format toby, Qydyrálі Bolmanov pen Qaraqat Ábіldına, sondaı-aq basqa da ónerpazdar sahnaǵa shyǵady.
Festıvalge qatysý úshіn bіr kúndіk nemese ekі kúndіk bılet satyp alý qajet. Al zeınetkerler men 16 jasqa deıіngі balalarǵa kіrý tegіn.