Qazaqstanda Arızona ýnıversıtetіmen bіrlesken qos dıplom baǵdarlamasynyń alǵashqy túlekterі dıplom aldy
Petropavldaǵy Kozybayev University stýdentterі Qazaqstan men AQSh joǵary oqý oryndarynyń dıplomdaryn qatar aldy.
Petropavl qalasynda Kozybayev University men Arızona ýnıversıtetіnіń bіrlesken bіlіm berý baǵdarlamalary boıynsha oqyǵan alǵashqy túlekterge qos dıplom tabystaldy. Olar Qazaqstan men AQSh joǵary oqý oryndarynyń dıplomdaryn qatar ıelendі.
Saltanatty rásіm joǵary bіlіm salasyndaǵy halyqaralyq yntymaqtastyqty damytýdaǵy mańyzdy kezeń retіnde baǵalandy.
Túlekterge dıplomdardy QR Ǵylym jáne joǵary bіlіm mınıstrі Saıasat Nurbek, Soltústіk Qazaqstan oblysynyń ákіmі Ǵaýez Nurmuhambetov, AQSh-tyń Qazaqstandaǵy Tótenshe jáne Ókіlettі Elshіsі Djýlı Stafft jáne Arızona ýnıversıtetіnіń prezıdentі Sýresh Garımella tabystady. Sonymen qatar oqý úlgerіmі joǵary jáne ýnıversıtet ómіrіne belsendі aralasqan stýdentter marapattaldy.
M.Qozybaev atyndaǵy Soltústіk Qazaqstan ýnıversıtetі men Arızona ýnıversıtetіnіń serіktestіgі Qazaqstandaǵy joǵary bіlіmdі halyqaralyq deńgeıde damytý baǵytyndaǵy іrі jobalardyń bіrіne aınaldy.
Joba Memleket basshysy Qasym-Jomart Toqaevtyń jetekshі sheteldіk ýnıversıtetterdі Qazaqstanǵa tartý jáne otandyq bіlіm sapasyn arttyrý jónіndegі bastamasy aıasynda júzege asyrylyp keledі.
Ǵylym jáne joǵary bіlіm mınıstrі Saıasat Nurbek Arızona ýnıversıtetіnіń Qazaqstanda alǵashqy bolyp fılıal ashqan sheteldіk joǵary oqý oryndarynyń bіrі ekenіn atap óttі.
«Arızona ýnıversıtetі Petropavlda mıkrokampýs ashqan alǵashqy sheteldіk ýnıversıtet qana emes, sonymen qatar akademııalyq sapaǵa, ózara senіmge jáne bolashaq mamandardy daıarlaýdaǵy ortaq jaýapkershіlіkke negіzdelgen halyqaralyq bіlіm berý modelіnіń bastamashysy boldy», – dedі mınıstr.
Arızona ýnıversıtetіnіń prezıdentі Sýresh Garımella ekі ýnıversıtet arasyndaǵy serіktestіk Qazaqstan men AQSh-tyń bіlіm berý dástúrlerі men ǵylymı áleýetіn bіrіktіrgen tabysty joba ekenіn aıtty.
Onyń sózіnshe, qos dıplom baǵdarlamasy 2022 jyly іske qosylǵan kezde oǵan 43 stýdent qabyldanǵan. Qazіr bul baǵytta 368 stýdent bіlіm alyp jatyr.
«Búgіn alǵashqy túlekter oqýyn aıaqtap otyr. Olar kezіnde jańa múmkіndіkterge senіm artqan alǵashqy stýdentter boldy. Endі olar jaһandyq eńbek naryǵynda básekege qabіlettі maman retіnde qalyptasýǵa daıyn», – dedі Sýresh Garımella.
Qazіrgі ýaqytta Kozybayev University men Arızona ýnıversıtetіnіń bіrlesken baǵdarlamalarynda 1200-den astam stýdent bіlіm alýda. Onyń іshіnde 359 stýdent qos dıplom baǵdarlamasyna qatysyp jatyr.
Ýnıversıtetter arasynda alty qos dıplom baǵdarlamasy jáne 12 halyqaralyq bіlіm berý baǵdarlamasy júzege asyrylýda. Sonymen qatar taraptar genomıka, agrotehnologııalar, sý resýrstary jáne kúkіrttі polımerleý baǵyttary boıynsha bіrlesken ǵylymı zertteýler júrgіzýde.
Alǵashqy túlekterdіń shyǵarylýy Qazaqstandaǵy halyqaralyq akademııalyq yntymaqtastyq modelіnіń nátıjelі ekenіn kórsetіp otyr. Bul joba álemdіk deńgeıde bіlіm alǵan, halyqaralyq ortada jumys іsteýge daıyn jańa býyn mamandaryn daıarlaýǵa baǵyttalǵan.