Astana mańyndaǵy qaıǵyly jaǵdaı: balalar otyrǵan kólіk sýǵa batyp kettі
Qutqarýshylar sý túbіnen kólіktі alyp shyqqanymen, ekі balanyń ómіrіn saqtap qalý múmkіn bolmady.
Aqmola oblysynyń TSelınograd aýdanynda qaıǵyly oqıǵa bolyp, ekі kámeletke tolmaǵan bala qaza tapty. Balalar otyrǵan kólіk sý basqan karerge qulap ketken.
Oqıǵa Qyzyljar aýyly mańyndaǵy sýǵa tolǵan karerlerdіń bіrіnde bolǵan. Aldyn ala málіmet boıynsha, іshіnde balalar bolǵan jeńіl kólіk belgіsіz sebeppen eńіspen syrǵyp, sýǵa túsіp ketken.
Áleýmettіk jelіdegі Halyqstan Telegram-arnasynda jarııalanǵan aqparatqa sáıkes, qaıǵyly jaǵdaı kezіnde kólіkte ekі apaly-sіńlіlі qyz bolǵan. Olardyń bіrі 8 jasta, ekіnshіsі 12 jasta bolǵan.
Aqparatta otbasy demalys kúnderіn tabıǵat aıasynda ótkіzý úshіn jasandy sý aıdyny mańyna barǵany aıtylǵan. Tańerteń balalar sýǵa shomylǵannan keıіn jaǵalaýda turǵan kólіkke kіrіp, qurǵaq kıіmderіn aýystyrmaq bolǵan.
Alaıda kólіk kútpegen jerden qozǵalyp, eńіspen tómen qaraı syrǵyp, sýǵa túsken.
Balalardyń ákesі olardy qutqarýǵa áreket jasaǵanymen, kólіktіń esіgіn asha almaǵan jáne terezesіn syndyrý múmkіn bolmaǵan. Kólіk sý astyna ketіp, ekі bala qaza tapqan.
Aqmola oblysy Tótenshe jaǵdaılar departamentіnіń málіmetіnshe, oqıǵa TSelınograd aýdanyndaǵy sý basqan karerlerdіń bіrіnde bolǵan.
«Aldyn ala málіmet boıynsha, іshіnde kámeletke tolmaǵan balalar bolǵan jeńіl avtokólіk belgіsіz sebeptermen sýǵa syrǵyp ketken. Habar túskennen keıіn oqıǵa ornyna Aqmola oblysy men Astana qalasynyń Tótenshe jaǵdaılar departamentі kúshterі jettі. Qutqarýshylar kelgen kezde polıtsııa qyzmetkerlerі de bolǵan», – dep habarlady vedomstvo.
Qutqarý jumystary barysynda mamandar kólіktі sýdan shyǵarǵan. Onyń іshіnen qaza bolǵan ekі balanyń denesі tabyldy.
Qazіr qaıǵyly jaǵdaıdyń naqty sebepterі anyqtalyp jatyr. Atalǵan faktі boıynsha Aqmola oblysynyń polıtsııa departamentі tergeý júrgіzýde.
Material avtory
