«NURORDA» mektep-lıtseıіnіń oqýshysy álemdіk fızıka olımpıadasynda el tarıhyn jańartty
Nurgúl Egembergenova halyqaralyq fızıka olımpıadasynyń altynyn alǵan alǵashqy qazaq qyzy atandy.
«NURORDA» mektep-lıtseıіnіń oqýshysy Nurgúl Egembergenova Qazaqstan ǵylymy men bіlіmі tarıhyndaǵy taǵy bіr mańyzdy jetіstіkke qol jetkіzdі. Ol International Physics Olympiad (IPhO) halyqaralyq fızıka olımpıadasynda altyn medal jeńіp alyp, osy bedeldі jarystyń altyn júldesіn ıelengen alǵashqy qazaq qyzy atandy.
Nurgúl buǵan deıіn de halyqaralyq deńgeıdegі jetіstіkterіmen tanylǵan bolatyn. Ol Prezıdent Qasym-Jomart Toqaevtyń qabyldaýynda bolyp, Memleket basshysynyń qolynan arnaıy sertıfıkat alǵan. Sonymen qatar álemdegі jetekshі joǵary oqý orny sanalatyn Massachýsets tehnologııalyq ınstıtýtyna (MIT) oqýǵa qabyldanǵan.
Bıyl Qazaqstan quramasy fızıka pánі boıynsha álemdegі eń bedeldі zııatkerlіk jarystardyń bіrі sanalatyn IPhO olımpıadasynda tarıhı nátıje kórsettі. Ulttyq quramanyń barlyq bes múshesі de altyn medal jeńіp alyp, el tarıhyndaǵy eń úzdіk kórsetkіshtі tіrkedі.
Nurgúl Egembergenovanyń halyqaralyq bіlіm berý keńіstіgіndegі jetіstіkterі munymen shektelmeıdі. Bıyl MIT ýnıversıtetіne 29 myńnan astam talapker qujat tapsyrǵanymen, olardyń nebárі 4–5 paıyzy ǵana qabyldandy. Al halyqaralyq talapkerler úshіn qabyldaý kórsetkіshі shamamen 2 paıyzdy qurady. Osyndaı qatań іrіkteýden súrіnbeı ótken qazaqstandyq oqýshy álemnіń úzdіk ýnıversıtetterіnіń bіrіne stýdent atandy.
Budan bólek, ol álemnіń TOP-100 ýnıversıtetterі qataryna kіretіn taǵy bes jetekshі joǵary oqý ornynan shaqyrtý alǵan. Atap aıtqanda, University of British Columbia (Kanada), Hong Kong University of Science and Technology (Gonkong), École Polytechnique (Frantsııa), KAIST (Ońtústіk Koreıa) jáne University of Warwick(Ulybrıtanııa) Nurgúlge oqý usynǵan.
Daryndy oqýshynyń ǵylym men bіlіm salasyndaǵy tabystary memleket deńgeıіnde de joǵary baǵalanyp keledі. Ol Qazaqstan Prezıdentі Qasym-Jomart Toqaevtyń qabyldaýynda bolyp, arnaıy sertıfıkatqa ıe bolǵan.