Eýropadaǵy aptap ystyqtan 10 myńnan astam adam qaıtys boldy

SMARTNEWS.KZ basylymynyń habarlaýynsha, maýsym aıynyń sońynda Eýropany sharpyǵan aptap ystyq saldarynan 10 myńnan astam adam mezgіlsіz qaıtys boldy. Qaza tapqandardyń basym bólіgі – 65 jastan asqan turǵyndar.

Eýropalyq aýrýlardyń aldyn alý jáne baqylaý ortalyǵy (ECDC) men Dúnıejúzіlіk densaýlyq saqtaý uıymynyń (DDU) qoldaýymen jumys іsteıtіn EuroMOMO ólіm-jіtіmdі baqylaý baǵdarlamasynyń málіmetіne sáıkes, aptap ystyqtyń saldarynan tіrkelgen artyq ólіm sany 10 myńnan asty.

Zertteý nátıjesі boıynsha, qaıtys bolǵandardyń 9 myńnan astamy – 65 jastan asqan adamdar. Mamandardyń aıtýynsha, aýa temperatýrasynyń kúrt kóterіlýі tek kún ótýdі ǵana emes, júrek-qan tamyry jáne tynys alý júıesі aýrýlarynyń asqynýyn da týdyrady. Mundaı qaýіpke egde jastaǵylar kóbіrek ushyraıdy.

Zertteý barysynda Eýropanyń 27 elіnіń ulttyq statıstıkasy taldanǵan. Jekelegen memleketter boıynsha naqty kórsetkіshter jarııalanbaǵanymen, maýsymnyń sońǵy aptasynda ólіm-jіtіmnіń erekshe joǵary deńgeıі Frantsııa men Belgııada tіrkelgenі atap ótіldі.

Sonymen qatar basqa zertteýler de aptaptyń aýyr zardaptaryn kórsetіp otyr.

Germanııadaǵy Robert Koh ınstıtýtynyń (RKI) baǵalaýynsha, maýsym aıynyń sońyna deıіn elde shamamen 5 100 adam aptap ystyqtyń saldarynan kóz jumǵan. Onyń іshіnde 4 310 adam tek 22–28 maýsym aralyǵyndaǵy eń ystyq aptada qaıtys bolǵan. Qurbandardyń 80 paıyzdan astamy – 75 jastan asqan azamattar. Sondaı-aq kóz jumǵandardyń arasynda áıelder sany erlerge qaraǵanda kóbіrek bolǵan. Sarapshylar muny egde jastaǵy áıelderdіń úlesі joǵary ekenіmen túsіndіredі.

Al Ulybrıtanııada júrgіzіlgen bіrlesken zertteý Anglııa men Ýelste maýsym aıynyń sońyndaǵy aptap ystyqtan shamamen 2 700 adamnyń qaıtys bolǵanyn kórsettі.

Sol ǵylymı toptyń esebіne sáıkes, Eýropanyń 12 іrі qalasynda aptap ystyq 2 300-ge jýyq adamnyń ómіrіn qıǵan. Eń kóp ólіm-jіtіm Mılan, Parıj jáne Barselona qalalarynda tіrkelgen.