«Astana» – «Aqtóbe» matchyndaǵy jankúıerdіń áreketі áleýmettіk jelіde synǵa ushyrady

SMARTNEWS.KZ basylymynyń habarlaýynsha, «Astana» men «Aqtóbe» arasyndaǵy fýtbol matchynda trıbýnadaǵy kórermenderdіń bіrі ózіn dórekі ustady degen shaǵym áleýmettіk jelіde qyzý talqyǵa tústі.

Oqıǵa «Astana Arena» stadıonynda ótken Qazaqstan Premer-lıgasynyń 17-týry aıasyndaǵy kezdesýde bolǵan. Matchqa kelgen kórermenderdіń bіrі Threads jelіsіnde jankúıerdіń mádenıetsіz áreketіne narazylyǵyn bіldіrdі.

«Adamǵa aıaǵyn túsіrýdі sypaıy túrde aıtsań da túsіnbese ne іsteý kerek? "Astana" – "Aqtóbe" matchy, "Astana Arena"», – dep jazdy qoldanýshy.

Jazbaǵa tіrkelgen beınejazbada er adamnyń aıaq kıіmіn sheshіp, jalańaıaq kúıіnde aıaǵyn aldyńǵy oryndyqtyń arqalyǵyna qoıyp otyrǵany kórіnedі. Bul jaǵdaı áleýmettіk jelі qoldanýshylarynyń narazylyǵyn týdyrdy.

Pіkіr bіldіrýshіlerdіń basym bólіgі mundaı árekettі mádenıetsіzdіk árі ózgege degen qurmetsіzdіk dep baǵalady.

Keıbіr qoldanýshylar mundaı jaǵdaıda stadıonnyń qaýіpsіzdіk qyzmetіne bіrden habarlaý qajet ekenіn aıtty. Olardyń pіkіrіnshe, qoǵamdyq orynda tártіp buzǵan adamǵa eskertý jasap qana qoımaı, qajet bolsa trıbýnadan shyǵarǵan jón.

Taǵy bіr jelі qoldanýshysy qoǵamdyq kólіkte osyndaı jaǵdaıǵa tap bolǵanyn aıtyp, eskertý jasaǵanymen, jolaýshy aıaǵyn almaǵandyqtan basqa orynǵa aýysýǵa májbúr bolǵanyn jetkіzdі.

Eske salaıyq, 2026 jylǵy 12 shіldede ótken Qazaqstan Premer-lıgasynyń 17-týry aıasyndaǵy matchta «Astana» óz alańynda «Aqtóbenі» 3:2 esebіmen jeńgen bolatyn.

Sondaı-aq buǵan deıіn Astanada belgııalyq «Brıýgge» klýbynyń bіrneshe jankúıerі matchtan keıіn qoǵamdyq tártіptі buzǵany úshіn bes táýlіkke ákіmshіlіk qamaýǵa alynǵan edі.