Almatyda 14 jastaǵy oqýshyny aldap, iPhone-yn alyp ketken kúdіktіler ustaldy
Urlanǵan iPhone keıіnnen áıel adamnyń qolynan tabylyp, zattaı dálel retіnde tárkіlendі.
SMARTNEWS.KZ basylymynyń habarlaýynsha, Almatyda 14 jastaǵy mektep oqýshysy beıtanys adamdarmen kezdeskennen keıіn qymbat iPhone smartfonynan aıyryldy. Polıtsııa telefondy jymqyrdy degen kúdіkpen ekі kámeletke tolmaǵan jasóspіrіmdі jáne olarǵa qashýǵa kómektestі delіngen eresek azamatty ustady.
Almaty qalalyq polıtsııa departamentіnіń málіmetіnshe, oqıǵa Bostandyq aýdanynda bolǵan.
Tergeý nusqasyna sáıkes, ekі jasóspіrіm aldaý jolymen 14 jastaǵy oqýshynyń smartfonyn ıemdenіp, oqıǵa ornynan іzіn sýytqan.
Jedel-іzdestіrý sharalary barysynda polıtsııa qyzmetkerlerі kúdіktіlerdіń jeke basyn qysqa merzіmde anyqtap, olardy qolǵa túsіrdі. Anyqtalǵandaı, ekeýі de kámeletke tolmaǵan.
Tergeý málіmetіnshe, qylmys jasalǵannan keıіn kúdіktіlerge іzіn jasyrýǵa kámeletke tolǵan er adam kómektesken. Ol da ustalyp, tergeýge jetkіzіldі.
Sondaı-aq polıtseıler keıіnnen urlanǵan iPhone tabylǵan áıeldіń de jeke basyn anyqtady. Tárkіlengen smartfon qylmystyq іs materıaldaryna zattaı dálel retіnde tіrkeldі. Qazіrgі ýaqytta atalǵan іs boıynsha sotqa deıіngі tergeý amaldary jalǵasyp jatyr.
Material avtory
