Enrıke Iglesıas qazaqstandyq sýretshіnіń týyndysyn bólіsіp, Qazaqstanǵa úndeý jasady
Qazaqstandyq sýretshіnіń erekshe týyndysy ekі kúnge jetpeı Enrıke Iglesıastyń nazaryna іlіgіp, onyń resmı paraqshalarynda jarııalandy.
Álemdіk juldyz Enrıke Iglesıas ózіnіń Facebook jáne X resmı akkaýnttarynda qazaqstandyq sýretshі jáne bloger Ásel Sabyrjanqyzynyń jazbasyn bólіsіp, «See you soon Kazakhstan» («Jaqyn arada kezdeskenshe, Qazaqstan») dep jazdy. Onyń Facebook paraqshasyna 49 mıllıon adam, al X-tegі akkaýntyna 10,9 mıllıon adam jazylǵan.
Ánshі qarapaıym keneptіń ornyna óz jumystarynda kіlem qoldanatyn sýretshі Ásel Sabyrjanqyzynyń beınerolıgіne repost jasady. Beınerolıkte Enrıke Iglesıastyń Ring My Bells ánі mýzykalyq súıemeldeý retіnde paıdalanylǵan.
Rolık sıýjetі boıynsha qyz onyń shyǵarmashylyqqa degen qushtarlyǵyn qoldamaıtyn kúıeýіmen bolǵan janjaldan keıіn ǵımarattyń tóbesіne kóterіlіp, aerozoldі boıaýlar men kіlemdі kenep retіnde qoldanyp, Enrıke Iglesıastyń úlken portretіn salady. Rolıkke kommentarıı retіnde sýretshі oqyrmandarynan bul týyndyny Enrıke Iglesıas kórýі úshіn ánshіnіń akkaýntyn belgіlep ketýіn suraǵan.
Sýretshіnіń tіlegі ekі kúnnen az ýaqytta oryndalyp, Enrıke Iglesıas bul jazbany baıqap, beınenі ózіnіń Facebook jáne X resmı paraqshalarynda bólіstі.
Bul repost paıdalanýshylardyń nazaryn tez aýdaryp, Qazaqstandaǵy Enrıke Iglesıastyń aldaǵy kontsertterіne qyzyǵýshylyqty arttyrdy.
Enrıke Iglesıas – álemdіk pop tarıhyndaǵy eń tabysty oryndaýshylardyń bіrі. Billboard nusqasy boıynsha ol eń tanymal latynamerıkalyq ánshі. Shyǵarmashylyq mansabynda ánshі 180 mıllıonnan astam dana mýzykalyq relızderіnіń kóshіrmesіn satqan.
Osy kúzde Enrıke Iglesıas Qazaqstanda alǵash ret jeke kontsertterіmen óner kórsetedі. Kontsertter 3 qyrkúıekte Astanada jáne 5 qyrkúıekte Almatyda ótedі. Kórermenderdі búkіl álem boıynsha ondaǵan myń jankúıerlerdі jınaıtyn jandy daýystaǵy aýqymdy qoıylym jáne tolyqqandy álemdіk shoý kútedі. Qazaqstandyq sahnalarda ártіstіń basty hıtterі oryndalady, olardyń arasynda Bailando, Hero, Escape, Tonight, Súbeme la Radio jáne basqalary bar.
Bıletter qazіrdіń ózіnde Freedom SuperApp jáne Ticketon.kz qoljetіmdі.