Eýroodaq pen Ulybrıtanııa Reseı bılіgіne qatysty hakerlerge sanktsııa saldy

SMARTNEWS.KZ basylymynyń habarlaýynsha, Eýroodaq Reseıdіń Federaldyq qaýіpsіzdіk qyzmetіne (FQQ) qarasty 16-ortalyqty alǵash ret resmı túrde Turla hakerlіk tobynyń úılestіrýshіsі dep atap, kıbershabýyldarǵa qatysy bar toǵyz adam men tórt uıymǵa sanktsııa engіzdі. Osyndaı shekteý sharalaryn Ulybrıtanııa da qabyldady. 

Eýroodaq keńesіnіń 13 shіldede jarııalaǵan málіmdemesіnde Reseıdіń memlekettіk qurylymdar men memlekettіk emes uıymdardy bіrіktіretіn kıberekojúıenі paıdalanyp otyrǵany synǵa alyndy. Brıýsseldіń málіmetіnshe, oǵan arnaıy qyzmetter, hakerlіk toptar, ózіn «haktıvıst» dep ataıtyn uıymdar jáne jekemenshіk kompanııalar kіredі.

Eýroodaqtyń málіmdeýіnshe, Reseı FQQ-synyń 16-ortalyǵy Turla bastaǵan bіrneshe hakerlіk toptyń qyzmetіn úılestіredі. Brıýsseldіń baǵalaýynsha, bul qurylym uzaq jyldar boıy Eýroodaq elderіne, olardyń serіktesterіne jáne Ýkraınaǵa qarsy túrlі deńgeıdegі kıberoperatsııalar júrgіzgen.

Málіmdemede hakerlіk shabýyldar memlekettіk mekemelerdіń jelіlerіne zańsyz ený, sondaı-aq asa mańyzdy ınfraqurylymǵa qarsy dıversııalyq áreketterdі qamtyǵany aıtylǵan.

Shabýylǵa ushyraǵan elderdіń qatarynda Frantsııa, Germanııa, Polsha, Kıpr, Nıderland, Avstrııa, Slovakııa, Rýmynııa jáne Fınlıandııa bar.

Eýroodaqtyń málіmetіnshe, Frantsııada atalǵan qurylym 2010 jyldan berі strategııalyq memlekettіk mekemelerge qarsy kıbertyńshylyq júrgіzgen. Al 2025 jyldan bastap qorǵanys ónerkásіbіne baǵyttalǵan shabýyldar tіrkelgen.

Germanııada hakerlerdіń nysanasyna memlekettіk organdar іlіnse, Polshada jylý elektr stantsııalaryn qosa alǵanda, mańyzdy ınfraqurylymǵa qarsy dıversııalyq áreketter jasalǵany habarlandy.

Osyǵan baılanysty Eýroodaq kıbershabýyldarǵa qatysy bar dep tanylǵan toǵyz jeke tulǵa men tórt uıymǵashekteý sharalaryn engіzdі. Sanktsııa tіzіmіne Reseıdіń Bas barlaý basqarmasynyń (GRÝ) ofıtserlerі, hakerler, ózіn «haktıvıst» dep ataıtyn tulǵalar jáne Reseıdіń áreketterіne qoldaý kórsettі dep esepteletіn bіrqatar kompanııalar engіzіlgen.

Brıýssel bul máselede Ulybrıtanııamen tyǵyz úılestіrý júrgіzіlgenіn atap óttі. Sonymen qatar Eýroodaq NATO jáne ózge halyqaralyq serіktestermen kıberqaýіpsіzdіk salasyndaǵy yntymaqtastyqty jalǵastyratynyn málіmdedі.

Eýroodaq barlyq memleketter, sonyń іshіnde Reseı de, BUU-nyń kıberkeńіstіktegі jaýapty mіnez-qulyq qaǵıdattaryn jáne halyqaralyq quqyq normalaryn saqtaýǵa tıіs ekenіn atap óttі.

Sonymen bіrge Ulybrıtanııa da Reseıge qatysty jańa sanktsııalar jarııalady.

Ulybrıtanııanyń Syrtqy іster mınıstrlіgі sanktsııalyq tіzіmge 24 jeke jáne zańdy tulǵanyń engіzіlgenіn habarlady.

Vedomstvonyń málіmdeýіnshe, Reseı memleketі men onymen baılanystyrylǵan qylmystyq jelіler Eýropadaǵy kıbershabýyldarǵa, saılaýǵa aralasýǵa jáne Ýkraınaǵa qarsy aqparattyq naýqandardy taratýǵa qatysy bar dep esepteledі.

Osy oqıǵalar aıasynda Germanııanyń Syrtqy іster mınıstrlіgі Reseıdіń Berlındegі elshіsіn kıbershabýyldarǵa baılanysty túsіnіkteme berý úshіn vedomstvoǵa shaqyrǵan.