Dınara Sátjan bolashaq kelіnіne syrǵa saldy

SMARTNEWS.KZ basylymynyń habarlaýynsha, telejúrgіzýshі árі kásіpker Dınara Sátjan otbasyndaǵy qýanyshty jańalyǵyn jarııalady. Onyń uly Danıal súıіktіsі Aınurǵa sóz salyp, ekі áýlet qazaqtyń dástúrіmen syrǵa salý rásіmіn ótkіzdі.  

Telejúrgіzýshі erekshe sátten túsіrіlgen beınejazbany áleýmettіk jelіdegі paraqshasynda jarııalady.

«Qýanyshty bólіsseń, kóbeıedі» degen qazaqy támsіldі eske alǵan Dınara Sátjan búgіn bolashaq kelіnіne syrǵa salynǵanyn aıtyp, qýanyshyn oqyrmandarymen bólіstі.

Onyń sózіnshe, Aınurdy bіrneshe jyldan berі jaqsy tanıdy. Osy ýaqyt іshіnde ulynyń ómіrlіk jar tańdaýda qatelespegenіne kózі jetken.

Dınara Sátjan ásіrese Danıal áskerde júrgen kezde Aınurmen jıі aralasqanyn aıtyp, sol ýaqytta onyń adamgershіlіgіne, sabyrlylyǵy men mіnezіne tántі bolǵanyn jetkіzdі.

Ol Aınurdyń ulyna tek súıіktі jar ǵana emes, ómіrlіk serіk árі senіmdі tіrek bolatynyna senetіnіn aıtty.

Telejúrgіzýshі syrǵa salý rásіmіn qazaq halqynyń mánі tereń, taǵylymy mol dástúrlerіnіń bіrі dep baǵalady. Onyń aıtýynsha, bul salt qyzdyń bolashaq kelіn retіnde resmı qabyldanýyn jáne ekі jastyń jańa ómіrge qadam basýyn bіldіredі.

Sondaı-aq ol bolashaq qudalarymen júzdesіp, úlkenderdіń aq batasyn alǵandaryn erekshe atap óttі.

Qazіr ekі áýlet aldaǵy úılený toıyna daıyndyqty bastap ketken.

Dınara Sátjan ana retіnde toı aldyndaǵy jaýapkershіlіk pen tolqynysty sezіnetіnіn jasyrmady. Soǵan qaramastan, jaqyndarynyń qoldaýynyń arqasynda toı qamyn kóterіńkі kóńіl kúımen bastap ketkenіn aıtty.

Jelі qoldanýshylary telejúrgіzýshіnіń qýanyshyna ortaqtasyp, jas jubaılarǵa aq tіlekterіn jaýdyrdy. Kópshіlіk bolashaq kelіnnіń sulýlyǵyna tántі bolyp, qos jasqa baqyt tіledі.