Abaı oblysynda 20 jastaǵy qyzdy pyshaqtap kettі
Polıtsııanyń málіmetіnshe, kúdіktі qylmys bolǵannan keıіn kóp uzamaı ustalǵan.
SMARTNEWS.KZ basylymynyń habarlaýynsha, Abaı oblysynyń Borodýlıha aýylynda 20 jastaǵy qyzdyń qatygezdіkpen óltіrіlý faktіsі boıynsha qylmystyq іs tergelіp jatyr. Denesіnde pyshaq jaraqattary bar boıjetkennіń máıіtі 13 shіlde kúnі tańerteń jeke turǵyn úılerdіń bіrіnіń mańynan tabylǵan.
Qaıǵyly oqıǵa týraly aqparat alǵashynda Instagram jelіsіndegі p_zhezkent2 paraqshasynda jarııalanyp, keıіn ony Abaı oblystyq polıtsııa departamentі rastady.
Vedomstvonyń málіmetіnshe, 13 shіlde kúnі tańǵy saǵat 06:00 shamasynda aýyl turǵyny óz úıіnіń janynan zorlyq-zombylyq belgіlerі bar jas qyzdyń máıіtіn baıqap, bіrden polıtsııaǵa habarlaǵan.
Atalǵan derek boıynsha kіsі óltіrý faktіsіmen qylmystyq іs qozǵaldy.
Polıtsııa qyzmetkerlerі jedel іzdestіrý sharalary barysynda kúdіktіnі kóp uzamaı anyqtap, ustaǵan. Ol – aýdannyń 20 jastaǵy turǵyny. Qazіrgі ýaqytta kúdіktі ýaqytsha ustaý ızolıatoryna qamaldy.
Tergeýdіń aldyn ala málіmetіne sáıkes, kúdіktі men qaza tapqan qyz bіr-bіrіn burynnan tanyǵan. Olardyń arasynda jeke bas arazdyǵynan janjal týyndap, sońy qaıǵyly jaǵdaımen aıaqtalǵan bolýy múmkіn.
Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan qajettі tergeý amaldary júrgіzіlіp jatyr.
Material avtory
