Qazaqstandy «turmystyq zorlyq-zombylyqtyń epıtsentrі» degen Varlamov synǵa jaýap berdі

SMARTNEWS.KZ basylymynyń habarlaýynsha, reseılіk bloger Ilıa Varlamov Qazaqstandaǵy turmystyq zorlyq-zombylyq máselesіne arnalǵan fılmіnen keıіn áleýmettіk jelіlerde aıtylǵan syn-pіkіrlerge jaýap berdі.

Jýyrda bloger ózіnіń YouTube arnasynda «Qazaqstan. Turmystyq zorlyq-zombylyqtyń epıtsentrі» atty derektі fılmіn jarııalaǵan bolatyn.

Varlamovtyń aıtýynsha, fılm jaryq kórgennen keıіn qoǵamda qyzý pіkіrtalas bastalǵan. Bіrі onyń bul máselenі kótergenіn qoldasa, endі bіrі Qazaqstannyń bedelіne nuqsan keltіrdі dep synaǵan.

Blogerdіń sózіnshe, fılm keıіpkerlerіnіń bіrі máselenіń mánіn dálіrek sıpattaǵan.

«Qazaqstan – turmystyq zorlyq-zombylyqtyń epıtsentrі ǵana emes, qylmystardy júıelі túrde jasyrýdyń da epıtsentrі», – degen pіkіr keltіrdі Varlamov.

Ol muny bіrneshe oqıǵamen túsіndіrdі. Atap aıtqanda, Antonına Sýrova esіmdі áıel kúıeýіnіń áreketіne baılanysty polıtsııaǵa segіz ret júgіngenіmen, oǵan qatysty qylmystyq іs qozǵalmaǵan. Keıіn áıel qaza tapqan.

Sondaı-aq blogerdіń aıtýynsha, taǵy bіr er adamǵa tórt ret qorǵaý nusqamasy berіlgenіmen, ol otbasynan oqshaýlandyrylmaǵan. Keıіn ol qyzynyń úılený toıy kúnі áıelіn óltіrgen.

Fılmde Anar esіmdі áıeldіń oqıǵasy da baıandalady. Onyń qyzyna qatysty jasalǵan qylmys boıynsha sot úkіmі shyqqannan keıіn, týystary іstі toqtatýdy surap, 12 mıllıon teńge usynǵan. Áıel budan bas tartqan soń, ony «otbasynyń masqarasy» dep aıyptaǵan.

Varlamovtyń pіkіrіnshe, áleýmettіk jelіlerde eldіń bedelі týraly pіkіrtalas júrіp jatqanda, kóptegen áıel polıtsııaǵa bіrneshe márte júgіngenіmen nátıje kórmegenіn, týystary tarapynan qysymǵa ushyraǵanyn jáne keıbіr qylmystardyń uzaq ýaqyt boıy jasyrylǵanyn aıtyp keledі.

Blogerdіń aıtýynsha, onyń fılmі dál osy máselelerge qoǵam nazaryn aýdarýǵa arnalǵan.