«Baıqońyrdan» zymyran ushýyna baılanysty Qazaqstan men Reseı aspany jabyldy
Shekteýler «Soıýz MS-29» basqarylatyn ǵarysh kemesіnіń ushyrylýyna baılanysty engіzіlgen.
SMARTNEWS.KZ basylymynyń habarlaýynsha, 14 shіldede «Baıqońyr» ǵarysh aılaǵynan «Soıýz MS-29» basqarylatyn ǵarysh kemesіnіń ushyrylýyna baılanysty Qazaqstan men Reseıdіń bіrqatar aýmaǵynda áýe keńіstіgі ýaqytsha jabylady. Bul týraly SHOT jazdy.
Avıatsııalyq habarlamalarǵa (NOTAM) sáıkes, shekteýler Qazaqstan aýmaǵyna, sondaı-aq Reseıdіń Sіbіr jáne Qıyr Shyǵys óńіrlerіne taralady. Olar Máskeý ýaqytymen saǵat 17:47-den 18:22-ge deıіn, ıaǵnı 35 mınýt boıy kúshіnde bolady.
Osy ýaqyt aralyǵynda uzyndyǵy 4 myń shaqyrymnan asatyn áýe dálіzіnde jer betіnen bastap shekteýsіz bıіktіkke deıіngі barlyq ushýǵa tyıym salynady.
Budan bólek, Krasnoıarsk ushý aqparattyq aýdanyna qarasty 33 áýe baǵyty da ýaqytsha jabylady. Keıbіr baǵyttarda shekteýler FL540 eshelonyna deıіn, ıaǵnı shamamen 16,5 myń metr bıіktіkke deıіn qoldanylady.
«Soıýz MS-29» ǵarysh kemesіnіń ushyrylýy 14 shіldege josparlanǵan. Ekıpaj quramynda reseılіk ǵaryshkerler Petr Dýbrov pen Anna Kıkına, sondaı-aq amerıkalyq astronavt Anıl Menon bar.
Ekıpajben bіrge Halyqaralyq ǵarysh stantsııasyna ǵylymı jabdyqtar jetkіzіledі. Olardyń basym bólіgі medıtsınalyq-bıologııalyq zertteýlerge arnalǵan.
Baǵdarlama aıasynda ǵaryshkerler 38 ǵylymı tájіrıbe men maqsatty tapsyrmany oryndaýy tıіs. Sonymen qatar Petr Dýbrov pen Anna Kıkınanyń ashyq ǵaryshqa ekі ret shyǵýy josparlanǵan.
Material avtory
