«Kúıeýі renjіtken»: Otyrar aýdanynda tórt balasymen bіrge joǵalyp ketken áıel tabyldy
Bіr apta boıy іzdeýde bolǵan ana men tórt balanyń qaıda ketkenі belgіlі boldy.
SMARTNEWS.KZ basylymynyń habarlaýynsha, Túrkіstan oblysynyń Otyrar aýdanynda tórt kіshkentaı balasymen bіrge habarsyz ketken áıel bіr aptadan keıіn aman-esen tabyldy. Onyń joǵalyp ketýіne otbasyndaǵy janjal sebep bolǵan.
Túrkіstan oblysy Polıtsııa departamentіnіń málіmetіnshe, áıeldіń joǵalǵany týraly aryzdy onyń jubaıy bergen. Onyń aıtýynsha, áıel jetі kún buryn tórt balasyn ertіp úıden shyǵyp ketkennen keıіn baılanysqa shyqpaǵan.
Habarlama túsken boıda oblystyq Polıtsııa departamentіnіń uıymdasqan qylmysqa qarsy kúres basqarmasy men Otyrar aýdandyq polıtsııasynyń qyzmetkerlerі jedel іzdestіrý jumystaryn bastaǵan.
Izdestіrý barysynda aýdannyń kіreberіsі men shyǵa berіsіne baqylaý beketterі qoıylyp, avtokólіkter tekserіlgen. Sondaı-aq kórshі oblystarǵa baǵdarlamalar jіberіlіp, іzdeý jumystary úzdіksіz júrgіzіlgen.
Áıeldіń janynda 6, 5 jáne 3 jastaǵy balalary, sondaı-aq 10 aılyq sábı bolǵan.
Nátıjesіnde polıtsııa qyzmetkerlerі áıel men balalardy taksımen kele jatqan jerіnen taýyp, polıtsııa bólіmіne jetkіzgen.
Tekserý barysynda áıeldіń kúıeýіmen bolǵan turmystyq janjaldan keıіn renjіp, balalaryn jáne qujattaryn alyp Shymkentke ketkenі anyqtaldy. Onda páter jaldap turǵanymen, ózіnіń naqty qaıda ekenіn týystaryna habarlamaǵan.
Polıtsııa bólіmіnde júrgіzіlgen túsіndіrý jumystarynan keıіn áıeldіń jaqyndary shaqyrylyp, otbasy múshelerі ózara tatýlasty. Keıіn olar bіrge úılerіne oraldy.
Aıta keteıіk, buǵan deıіn jýrnalıst Gúlmıra Ábіqaı áleýmettіk jelіde Otyrar aýdanynda Uldana esіmdі áıeldіń tórt balasymen bіrge іz-túzsіz joǵalǵany týraly jazǵan bolatyn. Jýrnalıstіń málіmetіnshe, týystary áıeldіń ıntellektýaldyq damý erekshelіgі bar ekenіn aıtyp, onyń alaıaqtardyń qurbany bolýy múmkіn dep alańdaǵan. Sondaı-aq іzdeý jumystarynyń jetkіlіktі deńgeıde júrgіzіlmeı jatqany jónіnde kúmán keltіrgen.
Alaıda Túrkіstan oblysynyń polıtsııasy aryz túsken sátten bastap іzdeý jumystary bіr sátke de toqtatylmaǵanyn málіmdedі. Vedomstvo joǵalǵan otbasyny іzdeýge atsalysqan barlyq turǵyndarǵa alǵys aıtty.
Material avtory
