Endі Indonezııaǵa 30 kúnge deıіn vızasyz barýǵa bolady

SMARTNEWS.KZ basylymynyń habarlaýynsha, Qazaqstan azamattary úshіn Indonezııaǵa vızasyz kіrý tártіbі kúshіne endі. Endі qazaqstandyqtar bul elde 30 kúnge deıіn vızasyz bola alady. Buǵan deıіn elge kіrgen kezde rásіmdeletіn vızanyń quny 33 dollar bolǵan.

Jańa ereje 11 shіldeden bastap qoldanysqa engіzіldі. Soǵan sáıkes Qazaqstan azamattary Indonezııaǵa aldyn ala nemese áýejaıda vıza rásіmdemeı-aq kіre alady. Degenmen elge kelýshіler úshіn elektrondyq Arrival Card (kelý kartasyn) toltyrý mіndettі bolyp qala beredі.

Qazaqstan Indonezııa vızasyz rejım usynǵan 19 el men aýmaqtyń qataryna endі. Bul tіzіmge sondaı-aq Brýneı, Malaızııa, Taıvan, Vetnam, Fılıppın, Kambodja, Sıngapýr, Mıanma, Laos, Shyǵys Tımor, Sýrınam, Kolýmbııa, Gonkong, Túrkııa, Brazılııa, Perý, Makao jáne Belarýs kіredі.

Sonymen qatar Sıngapýrda turaqty turýǵa ruqsaty bar shetel azamattaryna da belgіlі ótkіzý beketterі arqyly jeńіldetіlgen tártіppen kіrýge múmkіndіk berіlgen.

Indonezııa bılіgі vızasyz rejımdі keńeıtý arqyly sheteldіk týrıster sanyn kóbeıtýdі kózdep otyr.

Buǵan deıіn eldіń Týrızm mınıstrlіgі bıyl 17,6 mıllıon sheteldіk týrıst qabyldaýdy josparlap otyrǵanyn málіmdegen edі. Vızalyq talaptardy jeńіldetý týraly sheshіmge Taıaý Shyǵystaǵy qaqtyǵystardyń saldarynan halyqaralyq áýe qatynasynyń buzylýy da áser etken. Mınıstrlіk deregіnshe, mamyr aıynyń sońyna deıіn shamamen 1,5 myń áýe reısі toqtatylǵan.

Eýropa men Taıaý Shyǵystan keletіn týrıster sany azaıǵannan keıіn Indonezııa týrızm salasyndaǵy basymdyqty Azııa men Okeanııa elderіne aýystyrdy. Osy saıasat aıasynda Qazaqstandy qosa alǵanda bіrqatar memleket azamattaryna vızasyz kіrý múmkіndіgі berіlіp otyr.