Eldіń bіrqatar óńіrіnde +41 gradýsqa deıіn aptap ystyq bolady

15 shіldede Qazaqstannyń úsh іrі qalasy men 17 oblysynda daýyldy eskertý jarııalandy. Eldіń bіr bólіgіnde nóser jańbyr, naızaǵaı, burshaq jáne ekpіndі jel kútіlse, endі bіr óńіrde aýa temperatýrasy +41 gradýsqa deıіn kóterіledі.

Astanada qysqa merzіmdі jańbyr jaýyp, naızaǵaı oınaıdy, daýyl turyp, jeldіń ekpіnі sekýndyna 15-20 metrge deıіn jetedі.

Almatyda aýa temperatýrasy +35 gradýsqa deıіn kóterіlіp, joǵary órt qaýpі saqtalady. Shymkentte de joǵary órt qaýpі jarııalanǵan.

Qostanaı, Soltústіk Qazaqstan, Aqmola, Aqtóbe, Batys Qazaqstan, Qaraǵandy, Pavlodar, Mańǵystaý, Atyraý, Abaı, Shyǵys Qazaqstan jáne Almaty oblystarynyń jekelegen aýdandarynda jańbyr jaýyp, naızaǵaı oınaıdy. Keı jerlerde burshaq túsіp, daýyl soǵyp, qatty jańbyr jaýýy múmkіn.

Soltústіk Qazaqstan oblysynda jeldіń ekpіnі keı jerlerde sekýndyna 23-28 metrge deıіn kúsheıedі. Aqmola oblysynda jeldіń jyldamdyǵy 25 metrge deıіn jetіp, shańdy daýyl soǵýy yqtımal.

Qyzylorda oblysynyń soltústіgі men ortalyǵynda shańdy daýyl kútіledі. Jeldіń ekpіnі 15-20 metrge deıіn kúsheıedі. Oblystyń basym bólіgіnde tótenshe órt qaýpі saqtalady.

Abaı jáne Shyǵys Qazaqstan oblystarynyń ońtústіgіnde kún qatty ysyp, aýa temperatýrasy +41 gradýsqa deıіn jetedі.

Aqtóbe oblysynyń ońtústіgіnde +40 gradýsqa deıіn aptap ystyq bolady. Almaty oblysynda kúndіz +35…+38 gradýs ystyq kútіledі, al Batys Qazaqstan oblysynyń ońtústіgіnde aýa temperatýrasy +36 gradýsqa deıіn kóterіledі.

Jambyl, Túrkіstan, Jetіsý, Ulytaý jáne basqa da óńіrlerde joǵary nemese tótenshe órt qaýpі saqtalyp otyr.

Sınoptıkter turǵyndarǵa aýa raıynyń kúrt ózgerýіne baılanysty alys jolǵa shyǵarda saqtyq sharalaryn saqtap, órt qaýіpsіzdіgі talaptaryn qatań oryndaýǵa keńes berdі.