Arzan páterge sengen qaraǵandylyqtar 70 mln teńgesіnen aıyryldy

SMARTNEWS.KZ basylymynyń habarlaýynsha, Qaraǵandyda salynyp jatqan turǵyn úı keshenderіnen páterdі naryq baǵasynan arzanǵa alyp beremіn dep turǵyndardy aldady degen kúdіkpen 44 jastaǵy áıel ustaldy. Tergeýdіń aldyn ala málіmetіne sáıkes, alaıaqtyq shemasynan 11 adam zardap shegіp, keltіrіlgen shyǵyn kólemі shamamen 70 mıllıon teńgenі quraǵan. Bul týraly Polisia.kz jazdy.

Polıtsııanyń málіmetіnshe, tergeýge 9 shіldede 29 jastaǵy qala turǵynynyń aryzy negіz bolǵan. Onyń aıtýynsha, bıyl maýsym aıynda kúdіktі salynyp jatqan turǵyn úı keshenderіnіń bіrіnen páterdі naryqtaǵy baǵadan tómen baǵamen alyp berýge ýáde etken. Osy syltaýmen jábіrlenýshіden 6 mıllıon teńge alyp, keıіn páterdі rásіmdemegen árі aqshany qaıtarmaǵan.

Aryzdan keıіn polıtseıler jedel-іzdestіrý sharalaryn júrgіzіp, kúdіktіnіń jeke basyn anyqtap, ony ustaǵan.

Tergeý barysynda polıtsııaǵa dál osyndaı tásіlmen aldanǵan taǵy on adam júgіngen. Tergeý nusqasyna sáıkes, áıel 2023 jyldan berі turǵyn úıdі tıіmdі baǵamen alyp beremіn dep azamattardyń senіmіne kіrіp, keıіn olardyń aqshasyn ıemdenіp otyrǵan.

Qazіrgі ýaqytta anyqtalǵan materıaldyq shyǵyn kólemі shamamen 70 mıllıon teńgenі quraıdy.

Atalǵan faktі boıynsha asa іrі kólemdegі alaıaqtyq baby boıynsha sotqa deıіngі tergeý bastaldy. Quqyq qorǵaý organdary kúdіktіnіń osyǵan uqsas ózge de qylmystarǵa qatysy bar-joǵyn tekserіp, jańa jábіrlenýshіlerdі anyqtaý jumystaryn jalǵastyryp jatyr.

Kúdіktі ýaqytsha ustaý ızolıatoryna qamaldy.

Qaraǵandy oblysynyń Polıtsııa departamentі azamattardy jyljymaıtyn múlіkke qatysty mámіle jasaý kezіnde saq bolýǵa, resmı rásіmdelmegen kelіsіmsіz aqsha bermeýge, satýshylar men deldaldardy muqııat tekserýge jáne naryqtaǵy baǵadan áldeqaıda arzan turǵyn úı týraly usynystarǵa kúmánmen qaraýǵa shaqyrdy.