RUS
QR Mádenıet jáne sport mınıstrlіgіnen málіm etkendeı, іs-sharaǵa álemnіń 70 elіnen 800 eksponent jáne 120 myńnan astam kelýshі jınaldy. Qazaqstandyq delegatsııa quramynda otandyq týroperatorlar, avıakompanııalar jáne basqa da bıznes ókіlderі boldy. Qazaqstan stendіn Almaty oblysynyń ákіmdіgі uıymdastyrǵan.
Iskerlіk baǵdarlamadan basqa, kelýshіlerdіń nazaryn stendke aýdarý úshіn ulttyq úlgіde kıіngen akterler men mýzykanttar shaqyryldy, qonaqtarǵa ulttyq taǵamdar usynyldy. Bul kórmenі uıymdastyrýshylar nazarynan tys qalmaǵan. Nátıjesіnde qazaqstandyq delegatsııanyń stend aıasyndaǵy іs-sharalary úzdіk tanylyp, arnaıy syılyqpen marapattaldy.
«SITF syndy aýqymdy kórmelerge qatysý Qazaqstanǵa basqa elderden týrısterdі tartý úshіn óte mańyzdy. Mysaly, ótken jyly elіmіzge Ońtústіk Koreıadan 16 myń qonaq keldі. Osyndaı stendtermen bіz elіmіzge kelýshіler sanyn ulǵaıtýdy, sondaı-aq áleýettі týrısterdі Qazaqstannyń mádenıetі men ulttyq dámіmen tanystyrýdy maqsat etіp otyrmyz», - dep atap óttі QR MSM Týrızm ındýstrııasy komıtetіnіń tóraǵasy Dastan Ryspekov.