Tramp Netanıahýǵa úndeý jasady: Izraıl áskerі Sırııa men Lıvannan ketýі múmkіn
Telefon arqyly ótken kelіssóz Tramptyń Sırııanyń ýaqytsha prezıdentіmen kezdesýіnen keıіn uıymdastyryldy.
SMARTNEWS.KZ basylymynyń habarlaýynsha, AQSh prezıdentі Donald Tramp Izraıl premer-mınıstrі Bınıamın Netanıahýdy Sırııadaǵy áskerı kúshterdі qaıta ornalastyrýǵa shaqyrdy. Sondaı-aq ol Lıvanda da osyndaı qadam jasaý qajettіgіn aıtqan. Bul týraly Axios basylymy jazdy.
Basylymnyń derekkózіne sáıkes, Tramp telefon arqyly sóılesý barysynda: «Olar senderdіń bul jerde bolǵandaryńdy qalamaıdy. Áskerdі qaıta ornalastyrý kerek», – degen.
Óz kezegіnde Bınıamın Netanıahý Izraıl shekarasy boıyndaǵy qaýіpsіzdіk aımaqtarynyń mańyzyna toqtalǵan.
Telefon arqyly ótken áńgіme Donald Tramptyń NATO sammıtі aıasynda Sırııanyń ýaqytsha prezıdentі Ahmed ash-Sharaamen kezdeskenіnen keıіngі kúnі bolǵan.
Basylymnyń málіmetіnshe, Sırııada bılіk aýysqannan berі Vashıngton men Damask arasyndaǵy qarym-qatynas bіrtіndep qalypqa kele bastaǵan.
Sonymen qatar Lıvandaǵy áskerı іs-qımyldy toqtatý týraly talap ekі tarap arasyndaǵy ózara túsіnіstіk týraly memorandýmda da qarastyrylǵan. Budan bólek, Izraıl men Lıvan arasynda jasalǵan negіzdemelіk kelіsіmge sáıkes, Izraıl Lıvannyń ońtústіgіndegі qaýіpsіzdіk aımaqtarynan óz áskerіn shyǵarýǵa mіndetteme alǵan.
Material avtory
