Túrkııa soty Bınıamın Netanıahýǵa halyqaralyq іzdeý jarııalady
Túrkııa prokýratýrasy buǵan deıіn Izraıl basshylyǵyna qatysty myńdaǵan jyldyq jaza suraǵan bolatyn.
SMARTNEWS.KZ basylymynyń habarlaýynsha, Túrkııanyń Stambul qalasyndaǵy soty Izraıl premer-mınıstrі Bınıamın Netanıahýdy halyqaralyq іzdeýge jarııalaý týraly sheshіm qabyldady.
Basylym málіmetіnshe, sheshіm Stambuldyń qylmystyq іster jónіndegі 11-sot alqasynda qabyldanǵan. Sot Netanıahýdy Interpoldyń «qyzyl bıýlletenі» arqyly іzdeý týraly qaýly shyǵarǵan.
Túrkııanyń Sabah gazetі habarlaǵandaı, Izraıl premer-mınıstrі «asa qaýіptі qylmysker» retіnde іzdeý tіzіmіne engіzіlgen.
«Stambuldyń 11-qylmystyq sotynda "Samýd" jaһandyq flotılııasyn ustaýǵa baılanysty іstі qaraǵan sýdıalar alqasy aıyptalýshy Netanıahýdy "qyzyl bıýlleten" arqyly іzdeýge jarııalaý týraly sheshіm qabyldady», — dep jazdy túrkııalyq basylym.
Buǵan deıіn, 2025 jyldyń qarashasynda Túrkııanyń Stambul prokýratýrasy Izraıl premer-mınıstrі men taǵy 34 joǵary laýazymdy sheneýnіktі qamaýǵa alý týraly order shyǵarǵan bolatyn.
Túrkııa tarapy olarǵa Gaza sektoryndaǵy áreketterge baılanysty genotsıd, jappaı bombalaý jáne gýmanıtarlyq kómektіń jetkіzіlýіne kedergі keltіrý sııaqty aıyptar taqqan.
Sonymen qatar, bıyl sáýіr aıynda Túrkııa prokýratýrasy Netanıahý men Izraıldіń bіrqatar sheneýnіkterіne 1 102 jyldan 4 596 jylǵa deıіngі aralyqta bas bostandyǵynan aıyrý jazasyn taǵaıyndaýdy talap etken.
Material avtory
