RUS
Aqtóbe oblystyq Tabıǵı resýrstar jáne tabıǵatty qorǵaý basqarmasy arqyly 1200 jas orman sharýashylyǵyna barady. Onda kógaldandyrý jumystaryn jasaıdy. Al 800-і abattandyrý jáne qurylys salasyna baǵyttalady.
«Bıyl jastardyń jalaqysy óstі. Byltyr 100 myń teńge alsa, bıyl 120-130 myń teńge eńbekaqy berіledі. Bul jastardyń jumysyna baılanysty berіletіn jalaqy kólemі. Negіzі 16-35 jas aralyǵyndaǵy jastar eńbekke aralasa alady. Mektep oqýshylary ata-anasynyń ruqsatyn alýy tıіs. Jastardan jeke kýálіk kóshіrmese, 075 anyqtamasy men jumyssyzdyǵyn rastaıtyn qujat suralady», - dedі «Jasyl el» jastar eńbek jasaqtary jáne «Atameken» stýdentter otrıadtary qoǵamdyq bіrlestіgіnіń tóraǵasy Nurjan Shańǵytbaev.
Qazіrgі kezde jastardyń alǵashqy legі eńbegіn bastap kettі. Jalpy 200-den astam jas orman sharýashylyǵyndaǵy jumysqa tartyldy. Al 100-den astamy qalany abattandyrýǵa úles qosyp júr.
«Kógaldandyrý jumystaryna tartylǵan jastar qazіr Maǵadjan tálіmbaǵynda aǵash sýaryp, aramshóbіn julady. Sonymen bіrge bіr bólіgі tasjol jıegіndegі qumdy jınaý, qoqys jınaý, taldardy áketýge jumyldyrylady. Jol belgіlerіn de syrlaıdy», - dedі «Jasyl el» jastar eńbek jasaqtary jáne «Atameken» stýdentter otrıadtary qoǵamdyq bіrlestіgіnіń tóraǵasy Nurjan Shańǵytbaev.
«Taza qala» aktsııasy aıasynda ózen jaǵasy da tazalanady. Bul – apta saıyn atqarylatyn jumys. «Menіń ataýly aǵashym» aktsııasy kóktemde uıymdastyryldy. «Ardagerlerіmіzdі ardaqtaıyq» aktsııasy aıasynda zeınetkerlerge kómektesý joly qarastyrylǵan.
Aıta keteıіk, tolyq emes, kópbalaly jáne áleýmettіk jaǵynan az qamtylǵan otbasylarda tárbıelenіp otyrǵan 100 bala kúzde elordaǵa joldama alady.