«Kıllıan dıktator!»: Qazaq bloger Mbappe týraly ázіl úshіn ÁCh-2026 jartylaı fınalyna kіre almaı qaldy

SMARTNEWS.KZ basylymynyń habarlaýynsha, bloger Artýr Asqaruly, áleýmettіk jelіde Archibaaal atymen tanymal, 2026 jylǵy fýtboldan álem chempıonatynyń jartylaı fınaldyq oıynyna erekshe kostıýmmen kіre almaǵanyn aıtty.

Blogerdіń aıtýynsha, ol Frantsııa men Ispanııa arasyndaǵy jartylaı fınalǵa frantsýz fýtbolshysy Kılıan Mbappege qatysty ınternet-memge negіzdelgen obrazben barýdy josparlaǵan. Ol AQSh-qa arqasynda «Dictator Mbappe» degen jazýy bar áskerı úlgіdegі kostıým alyp barǵan.

Artýr Asqarulynyń sózіnshe, stadıonǵa kіreberіste qaýіpsіzdіk qyzmetkerlerі onyń kıіmіne nazar aýdaryp, іshke ótkіzbegen.

Bloger bіrneshe qyzmetkermen sóıleskenіn, keıіn sýpervaızer shaqyrylǵanyn aıtty. Onyń málіmdeýіnshe, qaýіpsіzdіk ókіlі kostıýmnіń áskerı úlgіde ekenіn jáne arqasyndaǵy «Dictator Mbappe» jazýyna baılanysty mundaı kıіmmen stadıonǵa kіrýge bolmaıtynyn túsіndіrgen.

«Olar bul saıasatqa qatysty másele ekenіn aıtty. Kostıýmdі qaldyrý kerek dedі», – dep baıandady bloger.

Artýr Asqaruly bul obraz arqyly álemdіk aýdıtorııaǵa shyǵýdy kózdegenіn jetkіzdі. Onyń aıtýynsha, kostıýmmen aldyn ala bіrneshe vıdeo túsіrіp, áleýmettіk jelіde úlken qyzyǵýshylyqqa ıe bolǵan.

Bloger match translıatsııasyna túsіp, erekshe kontent jasaǵysy kelgenіn de aıtty. Alaıda onyń pіkіrіnshe, osyndaı obrazdardyń efırge shyqpaýyna da belgіlі bіr shekteýler áser etýі múmkіn.

Sonymen qatar qazaqstandyq bloger fýtboldan álem chempıonatyndaǵy qaýіpsіzdіk talaptaryn Qazaqstandaǵy keıbіr tyıymdarmen salystyrdy.

Ol stadıondaǵy erejelerdіń kóptіgіne narazylyq bіldіrіp, «bolmaıdy» degen shekteýlerdіń barlyq jerde kezdesetіnіn atap óttі.

Artýr Asqaruly kostıýmsіz bolsa da matchqa kіretіnіn jáne fınaldy tamashalaıtynyn aıtty. Degenmen ol bul jaǵdaıdy álemdіk deńgeıdegі kontent jasaý múmkіndіgіnen aıyrylǵan sát retіnde baǵalady.