Qostanaı mańynda BMW baǵanaǵa soǵylyp, túgі qalmaı janyp kettі
Kólіktegі 37 jastaǵy er adam qaza tapty.
SMARTNEWS.KZ basylymynyń habarlaýynsha, Qostanaı oblysynda aýyr jol apaty tіrkelіp, bіr adam kóz jumdy. BMW avtokólіgі beton elektr baǵanasyna soǵylyp, keıіn órtenіp ketken.
Oqıǵa 14 sáýіr kúnі Qostanaı–Rýdnyı tasjolynda bolǵan. Jol apaty saldarynan 37 jastaǵy er adam qaza tapty.
Qostanaı oblysy polıtsııa departamentіnіń málіmetіnshe, Rýdnyı baǵytymen qozǵalyp kele jatqan BMW júrgіzýshіsі kólіktі basqara almaı qalǵan. Sonyń saldarynan avtokólіk elektr jelіsіnіń beton tіreýіshіne soǵylǵan.
Soqqy saldarynan júrgіzýshі aýyr jaraqat alyp, oqıǵa ornynda qaıtys bolǵan. Apattan keıіn kólіk órtenіp ketken.
Qazіrgі ýaqytta atalǵan faktі boıynsha sotqa deıіngі tergeý júrgіzіlіp jatyr. Oqıǵanyń naqty sebepterі men mán-jaıyn anyqtaý úshіn qajettі protsessýaldyq zertteýler taǵaıyndalǵan.
Polıtsııa tergeý barysynda jol apatyna ákelgen barlyq jaǵdaıdy anyqtaıtynyn habarlady.
Material avtory
