Tort іshіndegі jarylys: telefon alaıaqtary zeınetkerlerdі bankke deıіn aldap aparǵan

SMARTNEWS.KZ basylymynyń habarlaýynsha, Pavlodar qalasynda telefon alaıaqtarynyń kezektі aılasy qaýіptі jaǵdaıǵa ulasty. Qylmyskerler zeınetkerlerdі buryn joǵaltqan aqshalaryn qaıtarýǵa ýáde berіp, іshіnde petarda jasyrylǵan tortty bank ǵımaratyna alyp kelýge jáne ony jaǵýǵa kóndіrgen.

Pavlodar oblysy polıtsııa departamentіnіń málіmetіnshe, oqıǵa 15 shіlde kúnі saǵat 16:00 shamasynda qaladaǵy bankterdіń bіrіnde bolǵan. Tergeý barysynda ekі zeınetkerdіń telefon alaıaqtarynyń qurbany bolǵany anyqtalǵan.

Oqıǵa saldarynan ekі qart adam jeńіl jaraqat alǵan. Polıtsııa olardyń buǵan deıіn de dál osy qylmyskerlerdіń arbaýyna túsіp, jalǵan ınvestıtsııalyq jobalarǵa іrі kólemde aqsha salǵanyn anyqtaǵan.

Quqyq qorǵaý organdary bul іs boıynsha tergeý júrgіzіp jatyr. Alaıaqtyq shemasynda paıdalanylǵan dropperler anyqtalyp, jaýapkershіlіkke tartylǵan. Sondaı-aq sot arqyly jábіrlenýshіlerge urlanǵan qarajatty qaıtarý sharalary qolǵa alynǵan.

Alaıda alaıaqtar munymen toqtamaǵan. Olar burynǵy qurbandarymen qaıta baılanysyp, «aqshalaryńyzdy qaıtaramyz» degen syltaýmen jańa jospar qurǵan.

Polıtsııa málіmetіnshe, qylmyskerler psıhologııalyq qysym ádіsterіn paıdalanyp, zeınetkerlerge tort pen petarda satyp alýdy tapsyrǵan. Keıіn jábіrlenýshіler alaıaqtardyń nusqaýy boıynsha torttyń іshіne jasyrylǵan petardany jaqqan.

Qazіrgі ýaqytta atalǵan faktі boıynsha bіrneshe qylmystyq іs qozǵalyp, kúdіktіlerdі anyqtaý jáne ustaý boıynsha jedel-іzdestіrý sharalary júrgіzіlіp jatyr.

Polıtsııa telefon alaıaqtarynyń burynǵy qurbandardy qaıta іzdeıtіnіn eskerttі. Qylmyskerler kóbіne «joǵalǵan aqshany qaıtarý», «ótemaqy tóleý», «dıvıdend berý» nemese «іrі syılyq utyp alý» sııaqty jalǵan ýádeler arqyly adamdardy qaıta aldaýǵa tyrysady.

Quqyq qorǵaý organdary qazaqstandyqtarǵa mundaı usynystardyń barlyǵy alaıaqtyq shemanyń jalǵasy ekenіn eske saldy. Ásіrese egde jastaǵy adamdar mundaı psıhologııalyq qysymǵa jıі túsetіndіkten, jaqyndaryna osyndaı qaýіpter týraly aldyn ala túsіndіrý qajet.

Mamandardyń aıtýynsha, bankter, polıtsııa, memlekettіk organdar nemese zańdy ınvestıtsııalyq kompanııalar azamattarǵa telefon arqyly kúmándі qarjylyq operatsııa jasaýǵa nemese qaýіptі áreketke barýǵa eshqashan nusqaý bermeıdі.

Kúdіktі qońyraý túsken jaǵdaıda áńgіmenі bіrden toqtatyp, aqparatty týystar arqyly tekserіp, oqıǵa týraly polıtsııaǵa habarlaý usynylady. Alaıaqtar tehnologııany meńgerіp keledі, al adamnyń sengіshtіgі álі de olardyń eń arzan, bіraq eń tıіmdі quraly bolyp otyr.